പണം ആവശ്യപ്പെട്ട് സ്ത്രീയെ ആക്രമിച്ച യുവാവ് പിടിയിൽ

നെടുമ്പാശേരി: നെടുവന്നൂരിൽ പണം ആവശ്യപ്പെട്ട് സ്ത്രീയെ വടിവാളിന് ഇരുകാലിലും വെട്ടിപ്പരിക്കേൽപ്പിച്ച കേസിൽ ചേർത്തല അരൂക്കുറ്റി ജമാ അത്ത് സ്കൂളിന് സമീപം ചെട്ടിപ്പറമ്പിൽ മനീഷ് പ്രകാശൻ (25) നെടുമ്പാശേരി പൊലീസിന്റെ പിടിയിലായി. കാപ്പ കേസിൽ ജയിൽശിക്ഷ കഴിഞ്ഞ് അടുത്തിടെയാണ് പുറത്തിറങ്ങിയത്.

എറണാകുളം റൂറൽ, സിറ്റി, ആലപ്പുഴ, തൃശൂർ, കണ്ണൂർ ജില്ലകളിലായി മോഷണം, പിടിച്ചുപറി, ഭീഷണി തുടങ്ങി നിരവധി കേസുകളിൽ പ്രതിയാണ്. ഇൻസ്പെക്ടർ രാജേഷ്, എസ്.ഐ ശ്രീലാൽ എന്നിവർ ചേർന്നാണ് പിടികൂടിയത്. പ്രതിയെ റിമാൻഡ് ചെയ്തു.