പൊന്മുടി തുറന്നു

വിതുര: പ്രതികൂല കാലാവസ്ഥയെ തുടർന്ന് ദുരന്തനിവാരണ അതോറിട്ടിയുടെ നിർദ്ദേശപ്രകാരം രണ്ട് ദിവസമായി അടച്ചിട്ടിരുന്ന പൊന്മുടി ഇന്നലെ രാവിലെ തുറന്നു. നിലവിൽ രാവിലെ 8 മുതൽ വൈകിട്ട് 4 വരെയാണ് സന്ദർശന സമയം. പൊൻമുടി മേഖലയിൽ ഇന്നലെയും കനത്തമഴയായിരുന്നെങ്കിലും ധാരാളം സഞ്ചാരികളെത്തി. മഴ ശക്തിപ്രാപിച്ചതോടെ പൊൻമുടി റോഡിൽ കാട്ടാനശല്യം രൂക്ഷമായിട്ടുണ്ട്. സഞ്ചാരികൾ ജാഗ്രതപുലർത്തണമെന്ന നിർദ്ദേശമുണ്ട്.