കുടുംബയോഗ വാർഷികവും ഭരണസമിതി തിരഞ്ഞെടുപ്പും

തൊടുപുഴ: എസ്.എൻ.ഡി.പി യോഗം കുണിഞ്ഞിശാഖയിലെ ഗുരുകുലം കുടുബയോഗത്തിന്റെ വാർഷികവും ഭരണ സമിതി തിരഞ്ഞെടുപ്പും ഞായറാഴ്ച നടക്കും. തിരഞ്ഞെടുക്കപ്പെട്ട കുടുംബയോഗ ഭാരവാഹികൾക്ക് സ്വീകരണവും നൽകും. അനിൽ ഊന്നുകല്ലേൽ, റെജിമോൻ കോലത്തേൽ എന്നിവരുടെ വസതിയിലാണ് പരിപാടികൾ.രാവിലെ 9ന് പതാക ഉയർത്തൽ. 9.15 മുതൽ കലാ- കായിക മത്സരങ്ങൾ. 11ന് ശാഖാപ്രസിഡന്റ് സാജു കോലത്തേലിന്റെ അദ്ധ്യക്ഷതയിൽ നടക്കുന്ന പൊതുസമ്മേളനം തൊടുപുഴ യൂണിയൻ കൺവീനർ പി.ടി ഷിബു ഉദ്ഘാടനം ചെയ്യും. യൂണിയൻ അഡ്മിനിസ്‌ട്രേറ്റീവ് കമ്മിറ്റിയംഗം സ്മിത ഉല്ലാസ് മുഖ്യപ്രഭാഷണം നടത്തും. കുടുംബയോഗം കൺവീനർ അരുൺ ചരമേൽ കണക്കും റിപ്പോർട്ടും അവതരിപ്പിക്കും.നാരായണൻ അരീപ്ലാക്കൽ പ്രസംഗിക്കും. സിവിൽ പൊലീസ് ഓഫീസർ നീതു രഞ്ജിത്ത് ബോധവത്ക്കരണ ക്ലാസ് നയിക്കും. തുടർന്ന് ഭരണസമിതി തിരഞ്ഞെടുപ്പ്, ഉച്ചഭക്ഷണം. 2ന് സമ്മേളനം തുടരും. ശാഖാ വൈസ് പ്രസിഡന്റ് രമേശ് തോട്ടത്തിൽ പ്രസംഗിക്കും. സെക്രട്ടറി അജി കോലത്തേൽ സംഘടനാ സന്ദേശം നൽകും. തുടർന്ന് തിരഞ്ഞെടുക്കപ്പെട്ട ഭാരവാഹികൾക്ക് സ്വീകരണം. യോഗത്തിൽ യൂത്ത്മൂവ്‌മെന്റ് സെക്രട്ടറി ശരത് ചന്ദ്രൻ, കമ്മിറ്റിയംഗം അമൽ ശശി, രവിവാര പാഠശാല ഹെഡ്മിസ്ട്രിസ് ജിജി മനോജ്, വനിതാ സംഘം പ്രസിഡന്റ് സുധ ദിവാകരൻ, വൈസ് പ്രസിഡന്റ് മിനി വിജയൻ, സെക്രട്ടറി സുനിത നൈജു, ശ്രീനാരായണ കുടുംബയോഗം ചെയർമാൻ നൈജു കൂനനാനിയ്ക്കചാലിൽ, ചെമ്പഴന്തി കുടുംബയോഗം ചെയർമാൻ അജേഷ് വി.റ്റി, ഗുരുപ്രസാദം കുടുംബയോഗം കൺവീനർ സോണിയ അജിത്ത്,കുമാരി സംഘം സെക്രട്ടറി ആതിര സാബു എന്നിവർ പ്രസംഗിക്കും. കുടുംബയോഗ ചെയർമാൻ സുധാകരൻ കോലത്തേൽ സ്വാഗതവും വൈസ് പ്രസിഡന്റ് ശരണ്യ സന്ദീപ് നന്ദിയും പറയും.