പാളയം മാർക്കറ്റിൽ ഉയരും വൻകിട വ്യാപാര സമുച്ചയം

തിരുവനന്തപുരം: പാളയം കണ്ണിമേറ മാർക്കറ്റ് നവീകരിക്കാനുള്ള പദ്ധതിക്ക് മന്ത്രി എം.ബി.രാജേഷ് തറക്കല്ലിട്ടു.സ്മാർട്ട് സി​റ്റി പദ്ധതിയിൽ ഉൾപ്പെടുത്തി 81 കോടി മുതൽ മുടക്കിലാണ് നവീകരണം നടത്തുന്നത്. 301 കടമുറികളോടെയുള്ള വ്യാപാരസമുച്ചയമാണ് ഉയരുക.

മത്സ്യ, മാംസ,പച്ചക്കറി വ്യാപാരികൾക്കാണ് താഴത്തെ നില. വസ്ത്രവ്യാപാരം, ഫാൻസി സ്‌​റ്റോർ ഉൾപ്പെടെയുള്ളവയ്ക്ക് മുകളിലത്തെ നില നൽകും.പാസഞ്ചർ, ചരക്ക് ലിഫ്റ്റുകൾ, മാലിന്യസംസ്‌കരണം, പാർക്കിംഗ്, ഭക്ഷണശാല, ടോയ്ല​റ്റ് ബ്ലോക്കുകൾ, വിനോദസ്ഥലം എന്നി സൗകര്യങ്ങളും കെട്ടിടത്തിൽ സജ്ജമാക്കും. നിലവിലുള്ള കച്ചവടക്കാർക്ക് ട്രിഡയുടെ സ്ഥലത്താണ് താത്കാലിക പുനരധിവാസം ഒരുക്കിയിട്ടുള്ളത്.ചടങ്ങിൽ മേയർ ആര്യ രാജേന്ദ്രൻ അദ്ധ്യക്ഷത വഹിച്ചു. കൗൺസിലർമാരായ പാളയം രാജൻ, മേടയിൽ വിക്രമൻ, സ്മാർട്ട് സി​റ്റി സി.ഇ.ഒ രാഹുൽ കൃഷ്ണ, എസ്.ജഹാംഗീർ എന്നിവർ സംസാരിച്ചു.