സഹപ്രവർത്തകയ്ക്കുനേരെ പൊലീസ് സ്റ്റേഷനിൽ അതിക്രമം,​ സിപിഓയ്ക്കെതിരെ കേസ്

കൊല്ലം: സഹപ്രവർത്തകയ്ക്കുനേരെ പൊലീസുകാരന്റെ അതിക്രമം. നീണ്ടകര കോസ്റ്റൽ പൊലീസ് സ്റ്റേഷനിൽ ഈ മാസം ആറാം തീയതിയായിരുന്നു സംഭവം. വിശ്രമ മുറിയിലേക്ക് പോയ പൊലീസുകാരിക്ക് നേരെ ആയിരുന്നു ഡെപ്യൂട്ടേഷനിൽ എത്തിയ സിപിഒ നവാസിന്റെ അതിക്രമം. സംഭവത്തിൽ പൊലീസുകാരനെതിരെ കേസെടുത്തിട്ടുണ്ട്. സ്ത്രീത്വത്തെ അപമാനിച്ചതിനാണ് ചവറ പൊലീസ് കേസെടുത്തത്. കമ്മീഷണർക്ക് പരാതി നൽകിയതിന് പിന്നാലെയാണ് കേസെടുത്തത്.