നാളെ സാമ്പത്തിക നേട്ടം ഉണ്ടാകുന്ന നക്ഷത്രക്കാർ ഇവരാണ്, സ്ഥലം വാങ്ങാനും വിവാഹത്തിനും നല്ല സമയം
2025 നവംബർ 17 വൃശ്ചികം 1 തിങ്കളാഴ്ച. ( പുലർച്ചെ 2 മണി 10 മിനിറ്റ് 30 സെക്കൻഡ് വരെ അത്തം നക്ഷത്രം ശേഷം ചിത്തിര നക്ഷത്രം )
അശ്വതി: അനുകൂലമായ വിവാഹ ബന്ധം കിട്ടും, വിദ്യാപരമായ മുന്നേറ്റം, കുടുംബ സുഖം, ബന്ധുക്കളുടെ എതിർപ്പുകളെ അതിജീവിക്കും, കലാരംഗത്ത് പുതിയ കൂടിച്ചേരലുകൾ ഉണ്ടാകും.
ഭരണി: കുടുംബത്തിൽ സ്വസ്ഥതയും സമാധാനവും, തൊഴിൽ രംഗം പുഷ്ടിപ്പെടും, സർക്കാർ ജീവനക്കാർക്ക് ധനലാഭം, കാര്യങ്ങൾ അനുകൂലമാകും, പ്രയത്നം സഫലമാകും. ദാമ്പത്യ ജീവിതം സമാധാന പൂർണ്ണമാകും.
കാർത്തിക: വിവാഹ കാര്യങ്ങളിൽ തീരുമാനം, ഉല്ലാസകരമായ അനുഭവങ്ങൾ, ഉന്നത വിദ്യാഭ്യാസത്തിനു അനുമതി ലഭിക്കും, ജോലിസ്ഥിരമാകും,ബിസിനസ്സിൽ നേട്ടം, വിദേശത്ത് നിന്നും ശുഭ വാർത്തകൾ ശ്രവിക്കും.
രോഹിണി: ശാരീരികമായി ബുദ്ധിമുട്ടുകൾ, ദാമ്പത്യസുഖക്കുറവ്, ശത്രുക്കളിൽ നിന്നും ആപത്ത് വരാം, യാത്രകളിൽ അപകട സാദ്ധ്യത. ബന്ധുക്കൾ ശത്രുക്കളാകും.
മകയിരം: പലവിധ സുഖസൗകര്യങ്ങൾ അനുഭവിക്കും, ജീവിതത്തിൽ പുരോഗതി, യാത്രാഗുണം, ആപത്തുകളിൽ നിന്നും രക്ഷ, സാമ്പത്തിക നേട്ടം, സ്വന്തം തൊഴിൽ സ്ഥാപനത്തിനു കൂടുതൽ മെച്ചപ്പെട്ട അവസരങ്ങൾ കിട്ടും.
തിരുവാതിര: എല്ലാകാര്യത്തിലും ആത്മവിശ്വാസം വച്ചു പുലർത്തും, യാത്രയിൽ നേട്ടം. കുടുംബ സുഖം, നൂതന പദ്ധതികൾ നടപ്പാക്കും, ഭാവി കരുപ്പിടിപ്പിക്കും, ഉന്നത ഉദ്യോഗസ്ഥരിൽ നിന്നും ആത്മാർത്ഥമായ സഹകരണം.
പുണർതം: വിദേശത്ത്നിന്നും നല്ല വാർത്തകൾ കേൾക്കും, അനുകൂലമായ സ്ഥലമാറ്റം, പുതിയ വാഹനം വാങ്ങാൻ അനുകൂലമായ സമയം, സർക്കാരിൽ നിന്നും അനുകൂലമായ അറിയിപ്പ് ലഭിക്കും, ധനപരമായ കാര്യങ്ങളിൽ നേട്ടം,ആരോഗ്യ സ്ഥിതി മെച്ചപ്പെടും.
പൂയം: നിർമ്മാണ പദ്ധതികൾക്ക് തുടക്കം കുറിക്കും, ശത്രുക്കളുടെ ഉപദ്രവം കുറയും, ഉന്നത സ്ഥാന ലഭ്യത,ചെലവു വർദ്ധിക്കുമെങ്കിലും വരവും അതിനനുസരിച്ച് ഉണ്ടാകും, അനുകൂലമായ രീതിയിൽ ജോലിയിൽ മാറ്റം. സഹോദരങ്ങളും ബന്ധുക്കളും സഹായിക്കും.
ആയില്യം: തൊഴിൽ രംഗത്ത് വലിയ നേട്ടങ്ങൾക്ക് സാദ്ധ്യത, വ്യവഹാരങ്ങളിൽ ഏർപ്പെട്ടിരിക്കുന്നവർക്ക് വിജയം, സഹോദര ഗുണം, വിദ്യാവിജയം, സാമ്പത്തിക കാര്യങ്ങളിൽ സമാധാനം, പ്രയത്നത്തിനു തക്ക പ്രതിഫലം കിട്ടും.
മകം: സ്ത്രീകളുമായി കലഹത്തിന് നിൽക്കരുത്, ദാമ്പത്യ സുഖക്കുറവ്, തൊഴിൽ രംഗത്ത് അപവാദം. സംസാരം വളരെ നിയന്ത്രിക്കണം, ജീവിതം സ്ത്രീകളാൽ നിയന്ത്രിക്കപ്പെടും, രോഗങ്ങളാൽ ദുരിതം, ഇഷ്ടമല്ലാത്ത തൊഴിൽ ചെയ്യേണ്ടിവരും, ശത്രുവർദ്ധന ഉണ്ടാകും.
പൂരം: അനുകൂലമായ വിവാഹ ബന്ധം കിട്ടും,കലാ മത്സരങ്ങളിൽ വിജയവും അംഗീകാരവും, യാത്രാഗുണം, ശത്രു ജയം, സമൂഹത്തിലെ ഉന്നത സ്ഥാനീയരുടെ ആശീർവാദങ്ങൾ ലഭിക്കും, വിദേശ വാസം ഗുണപ്രദം, വ്യാപാര കാര്യങ്ങളിൽ അഭിവൃദ്ധി
.
ഉത്രം: ആഗ്രഹത്തിന് വിപരീതമായി കുടുംബാംഗങ്ങൾ പെരുമാറും, ദാമ്പത്യ സുഖക്കുറവനുഭവപ്പെടും, ദുരിതങ്ങൾ, ബദ്ധപ്പാടുകൾ, പങ്ക് കച്ചവടത്തിൽ നഷ്ടം, ഭൂമിവിൽക്കാൻ ഉദ്ദേശിക്കുന്നവർക്ക് തടസ്സങ്ങൾ നേരിടും. മറ്റുള്ളവരുടെയും കൂടി ഉപദേശം സ്വീകരിച്ചതിനു ശേഷം മാത്രം തീരുമാനങ്ങൾക്ക് അന്തിമരൂപം കൊടുക്കുക.
അത്തം: ഇഷ്ട മിത്രങ്ങളുടെ സന്ദർശനം. ആരോഗ്യപരമായി നല്ല സമയം, നയപരമായി കാര്യങ്ങൾ തങ്ങൾക്കനുകൂലമാക്കും, പ്രണയത്തിൽ അകപ്പെടാൻ സാദ്ധ്യത. മനസ്സിൽ ആഗ്രഹിച്ച സംഗതികൾ അപ്രതീക്ഷിതമായി നടന്നതിൽ അത്ഭുതപ്പെടും, അംഗീകാരവും ആദരവും.
ചിത്തിര: ഭൂമി സംബന്ധിച്ച കാര്യങ്ങളിൽ അനുകൂല തീരുമാനം, പലവിധത്തിലും ഉണ്ടായിരുന്ന വിഷമാനുഭവങ്ങൾക്ക് ശമനം, കാർഷിക രംഗത്തും വിദ്യാഭ്യാസ രംഗത്തും നേട്ടങ്ങൾ, ആഗ്രഹ സാഫല്ല്യം, മംഗള കർമ്മങ്ങളിൽ പങ്കെടുക്കും.
ചോതി: ലളിത കലകളിൽ താത്പര്യം പ്രകടിപ്പിക്കും, അവസരങ്ങൾ കിട്ടും. ശത്രുക്കളെ പരാജയപ്പെടുത്തും. ഉത്തരവാദിത്വ ബോധം, മത്സര വിജയം, വ്യാപാര സാമർത്ഥ്യം, ആസൂത്രണ വൈദഗ്ധ്യം പ്രകടിപ്പിക്കും. പൊതു ജനങ്ങളുമായി നല്ല ബന്ധം സ്ഥാപിച്ചെടുക്കും.
വിശാഖം: ആതുരസേവനം നടത്തും, മംഗള കർമ്മങ്ങൾക്ക് സാക്ഷിയാകും, പുതിയസംരംഭങ്ങൾ, ശുഭാപ്തി വിശ്വാസം, മനഃസുഖം. കാര്യശേഷി, യാത്രാഗുണം, സുഖജീവിതം, പ്രണയസാഫല്യം, അനാവശ്യമായി പണം ചെലവഴിക്കേണ്ടി വരും, യാത്രയിൽ ബുദ്ധിമുട്ടുകൾ.
അനിഴം: പണം കടം വാങ്ങിക്കേണ്ടി വരും. സംസാരവും പ്രവൃത്തികളും സൂക്ഷിക്കുക, സഹോദരങ്ങളുമായി കലഹം, ജോലിക്കൂടുതലും അലച്ചിലും, ശത്രുദോഷം, ഉദ്യോഗസ്ഥലത്ത് അധികാരം പ്രകടിപ്പിക്കേണ്ടി വരും, സന്താനങ്ങൾ മൂലം കഷ്ടപ്പാടുകൾ.
കേട്ട: ജനപ്രീതിയും അംഗീകാരവും, ബന്ധുക്കളുടെ എതിർപ്പുകളെ അതിജീവിക്കാൻ സാധിക്കും,എല്ലാവിധ സുഖ സൗകര്യങ്ങളും അനുഭവിക്കാൻ യോഗം. ഈശ്വരാധീനം, തൊഴിലിൽ ഉയർച്ച, സ്ത്രീകൾക്ക് അംഗീകാരം. ഉദ്ദേശിച്ച സംഗതികൾ നടപ്പിലാക്കാൻ സാധിക്കും.
മൂലം: ഉല്ലാസകരമായ അനുഭവങ്ങൾ , സ്ത്രീകൾ മുഖേനെ സന്തോഷവും കിട്ടും, പഠന കാര്യങ്ങളിൽ ജയം, ഗാംഭീര്യം പ്രകടിപ്പിക്കും, വിദേശത്ത് ജോലി ചെയ്യുന്നവർക്ക് നല്ലസമയം, സുഖാനുഭവങ്ങൾ, ഇഷ്ട ഭക്ഷണ ലബ്ധി. വിമർശിച്ചു കൊണ്ടിരുന്നവർ അനുകൂലമായി സംസാരിക്കും.
പൂരാടം: രാഷ്ട്രീയ പാർട്ടികളിൽ പ്രവർത്തിക്കുന്നവർക്ക് ജയം, യാത്ര, മംഗളകർമ്മങ്ങൾ നടത്തും, ധനലഭ്യത, ബുദ്ധിപരമായി കാര്യങ്ങൾ നിർവ്വഹിക്കും. എല്ലാവരും പ്രീതികരമായ രീതിയിൽ പെരുമാറും. കൃഷിയിൽ നിന്നും ധന ലാഭം, മറ്റുള്ളവരെ സഹായിക്കാൻ താൽപര്യം കാണിക്കും.
ഉത്രാടം: സാമ്പത്തിക നേട്ടത്തിന് വഴിയുണ്ടാകും. കടബാദ്ധ്യതകൾ കുറയും,സ്ത്രീകൾ മുഖേനെ നേട്ടം,വായനാശീലം വർദ്ധിക്കും, ബന്ധുക്കളുടെ എതിർപ്പുകളെ അതിജീവിക്കാൻ സാധിക്കും, ധനാഗമാത്തിനു അനുകൂലമായ സാഹചര്യങ്ങൾ.
തിരുവോണം: സ്ത്രീകൾക്ക് ആഡംബര വസ്തുക്കളുടെ ലഭ്യത, സാഹിത്യകാരൻമാർക്ക് പുതിയ അവസരങ്ങൾ. ഭാഗ്യ സാഹചര്യങ്ങൾ തനിയെ വന്നു ചേരും, സമാധാനവും സന്തോഷവും അനുഭവപ്പെടും, പ്രണയ കാര്യങ്ങളിൽ അനുകൂല തീരുമാനം, ശത്രു ജയം.
അവിട്ടം: ചിട്ടി, ബാങ്ക് എന്നിവ മുഖേനെ പ്രയാസങ്ങൾ,പൊതു പ്രവർത്തകർക്ക് മാനഹാനിയും പണച്ചിലവും, പലവിധ ക്ലേശങ്ങൾക്കും സാദ്ധ്യത, ബന്ധുദോഷം, കുടുംബകലഹം,സാമ്പത്തീക പ്രശ്നങ്ങൾ രൂക്ഷമാകും, ആദായത്തിൽ കുറവ് അനുഭവപ്പെടും, കളത്രദുഃഖം, പരിശ്രമങ്ങൾക്ക് അനുകുലമായ ഫലം കിട്ടില്ല.
ചതയം: ഉദ്യോഗസ്ഥർക്ക് ജോലിക്കൂടുതൽ, സഹോദരിൽ നിന്നും പ്രയാസങ്ങൾ, സ്ത്രീകൾ മുഖേനെ ചതിയും അപമാനവും. അമിതമായ ധനചെലവ്, മേലുദ്യോഗസ്ഥരുടെ അപ്രീതിക്ക് പാത്രമാകും, ആരോഗ്യപരമായി കരുതൽ വേണം, മാനഹാനി.
പൂരുരുട്ടാതി: സ്ത്രീ വിഷയങ്ങളിൽ ഉള്ള അമിത താൽപ്പര്യം മൂലം സാമ്പത്തിക പ്രശ്നങ്ങൾ രൂക്ഷമാകും, വളരെ ആലോചിച്ചു മാത്രം തീരുമാനങ്ങൾ എടുക്കുക. വിഷമകരമായ സംസാരവും പ്രവൃത്തികളും നേരിടും, സ്ഥാനമാറ്റം, താഴ്ത്തപ്പെടൽ എന്നിവ അനുഭവത്തിൽ വരും
ഉത്തൃട്ടാതി: ധനചെലവ്, ദൂരയാത്രാ ക്ലേശം, സ്ത്രീകളെ വിശ്വാസപൂർവ്വം ഒന്നും ഏല്പിക്കരുത്. കുടുംബ കലഹം ഉണ്ടാകാതെ നോക്കണം, തന്നിഷ്ടപ്രകാരം പ്രവർത്തിക്കും, അന്യദേശവാസം. പലവിധത്തിലുമുള്ള വിഷമതകൾ,ശത്രു ദോഷം,രോഗങ്ങൾ കൊണ്ടുള്ള ധന ചെലവ്
രേവതി: കോടതി കാര്യങ്ങളിൽ അനുകൂലല്ലാത്ത തീരുമാനങ്ങൾ, പലവിധത്തിലും വിഷമാനുഭവങ്ങൾ, സ്ത്രീകൾ മുഖേനെ അപമാനം. അനുകൂലിച്ചു നിന്നവർ ശത്രുക്കൾ ആകും, സ്ത്രീ സംബന്ധ വിഷയങ്ങളിൽ കരുതൽ വേണം. ധനപരമായി ദുരിതം, സുഹൃത്തുക്കൾ മുഖേനെ ധനനഷ്ടം.