പോക്സോ കേസിൽ തടവും പിഴയും

ആലപ്പുഴ: ഒമ്പത് വയസുകാരിക്ക് നേരെ ലൈംഗികാതിക്രമം നടത്തിയ പ്രതിക്ക് അഞ്ചുവർഷം തടവും 20000 രൂപയും ശിക്ഷ വിധിച്ച് ആലപ്പുഴ പോക്സോ കോടതി ജഡ്ജി റോയി വർഗീസ്. ആര്യാട് പഞ്ചായത്ത് 17-ാംവാർഡിൽ മൂത്തേടത്ത് വീട്ടിൽ ക്ലെമന്റാണ് (മൊട്ടാപ്പ-59) പിടിയിലായത്. ആലപ്പുഴ നോർത്ത് പൊലീസ് ഇൻസ്പെക്ടർ ബി. ഷെഫീക്കാണ് കേസ് രജിസ്റ്റർ ചെയ്ത് അന്വേഷണം പൂർത്തിയാക്കി കുറ്റപത്രം ഹാജരാക്കിയത്. പ്രോസിക്യൂഷന് വേണ്ടി സ്പെഷ്യൽ പ്രോസിക്യൂട്ടർമാരായ സീമ, എം.എച്ച്. അബു എന്നിവർ ഹാജരായി. ശിക്ഷ കേട്ട് തല കറങ്ങി വീണപ്രതിയെ ആശുപത്രിയിൽ പ്രവേശിപ്പിച്ചു.