നാടുകടത്തൽ തടയാൻ ചോക്‌സിയുടെ നീക്കം

ബ്രസൽസ്: ഇന്ത്യയ്ക്ക് കൈമാറുന്നത് തടയാനായി വിവാദ വജ്രവ്യാപാരി മെഹുൽ ചോക്സി സമർപ്പിച്ച ഹർജി ബെൽജിയം സുപ്രീംകോടതി ഡിസംബർ 9ന് പരിഗണിക്കും. ചോക്സിയെ ഇന്ത്യയ്ക്ക് കൈമാറാൻ ബെൽജിയത്തിലെ ആന്റ്‌വെർപ്പ് കോടതി കഴിഞ്ഞ മാസം അനുമതി നൽകിയിരുന്നു. ഇത് ചോദ്യം ചെയ്താണ് ചോക്സി സുപ്രീംകോടതിയെ സമീപിച്ചത്. പ്രമുഖ ജൂവലറി കമ്പനിയായിരുന്ന ഗീതാഞ്ജലി ഗ്രൂപ്പിന്റെ സ്ഥാപകനായ ചോക്സി പഞ്ചാബ് നാഷണൽ ബാങ്കിൽ നിന്ന് 13,500 കോടി രൂപയുടെ തട്ടിപ്പ് നടത്തി 2018ൽ ഇന്ത്യവിടുകയായിരുന്നു. ഏപ്രിൽ 11നാണ് ചോക്സി ബെൽജിയത്തിൽ അറസ്​റ്റിലായത്.