പ്രളയത്തിൽ വിറച്ച് ഏഷ്യ: മരണം 377

കൊളംബോ: കഴിഞ്ഞ ഞായറാഴ്ച മുതൽ ഏഷ്യയുടെ വിവിധ ഭാഗങ്ങളിലായി 377 പേരാണ് പ്രളയം മൂലം മരിച്ചത്. മേഖലയിൽ രൂപംകൊണ്ട ചുഴലിക്കാറ്റുകൾ മൺസൂൺ കാലാവസ്ഥ വഷളാക്കുകയായിരുന്നു. ശ്രീലങ്കയിൽ 56 പേർ മരിച്ചു. 2,50,000 പേരെ മാറ്റിപ്പാർപ്പിച്ചു. 21 പേരെ കാണാതായി. ശ്രീലങ്കയിൽ ഡിറ്റ്‌വാ ചുഴലിക്കാറ്റ് പ്രളയത്തിന് ഇടയാക്കിയപ്പോൾ ഇൻഡോനേഷ്യയിലും തായ്‌ലൻഡിലും മലേഷ്യയിലും നാശംവിതച്ചത് മലാക്ക കടലിടുക്കിൽ രൂപംകൊണ്ട സെന്യാർ ചുഴലിക്കാറ്റാണ്. ഇൻഡോനേഷ്യയിൽ 174 പേർ മരിച്ചു. തായ്‌‌ലൻഡിൽ 145 പേരും മലേഷ്യയിൽ 2 പേരും മരിച്ചു.