കെ.ടി.സി.ടി സ്‌കൂളിന് ലോക റെക്കാഡ്

കല്ലമ്പലം: 61 ക്ലാസ് മുറികളിലായി രണ്ടുമണിക്കൂർ കൊണ്ട് കൈയെഴുത്ത് മാസികകൾ തയ്യാറാക്കി യു.ആർ.എഫ് ലോക റെക്കോഡിൽ ഇടംനേടി കടുവയിൽ കെ.ടി.സി.ടി ഹയർ സെക്കൻഡറി സ്കൂൾ.

2374 വിദ്യാർത്ഥികൾ ചേർന്നാണ് കഥ,കവിത,ചിത്രങ്ങൾ,പൊതുവിജ്ഞാനം,കാർട്ടൂണുകൾ തുടങ്ങിയവ ഉൾക്കൊള്ളിച്ച് ക്ലാസ് മാസികകൾ തയ്യാറാക്കിയത്. സമന്വയം 2025-26 എന്ന പേരിൽ മാസികകൾ ഒരുക്കുന്നതിന് ക്ലാസുകളിൽ നിന്ന് തിരഞ്ഞെടുക്കപ്പെട്ട രണ്ടുവീതം വിദ്യാർത്ഥി എഡിറ്റർമാർ നേതൃത്വം നൽകി.