അവബോധ പരിപാടി

കട്ടപ്പന : ജില്ലാതല പ്രൊബേഷൻ അവബോധ പരിപാടി കട്ടപ്പന ബാർ അസോസിയേഷൻ ഹാളിൽ ജുഡീഷ്യൽ ഫസ്റ്റ് ക്ലാസ് മജിസ്‌ട്രേട്ട് അർച്ചന ജോൺ ബ്രിട്ടോ ഉദ്ഘാടനംചെയ്തു. സാമൂഹിക നീതി വകുപ്പും ജില്ലാ പ്രൊബേഷൻ ഓഫീസും ലീഗൽ സർവീസസ് അതോറിറ്റിയുംചേർന്നാണ് പരിപാടി സംഘടിപ്പിച്ചത്. ജില്ലാ ലീഗൽ സർവീസസ് അതോറിട്ടി സെക്രട്ടറി എൻ.എൻ സിജി അദ്ധ്യക്ഷനായി. ജില്ലാ പൊലീസ് മേധാവി കെ.എം സാബു മാത്യു മുഖ്യപ്രഭാഷണം നടത്തി. കട്ടപ്പന ഗ്രാമീൺ ന്യായാലയ ന്യായാധികാരി എ.എഫ് ഷിജു, ഡിവൈ.എസ്.പി വി.എ നിഷാദ്‌മോൻ, അഡ്വ. സിബി സ്‌കറിയ, വി.എ ഷംനാദ്, എൻ.ടി സദാനന്ദൻ, എം.മഹേഷ്, ഇ.എസ് പ്രമീള, ഒ.ജി റോയി, എം .ടി സാബു, വി.കെ മായാമോൾ എന്നിവർ സംസാരിച്ചു.