സ്പോർട്സ് കരാട്ടെ ചാമ്പ്യൻഷിപ്പ്

Saturday 29 November 2025 8:53 PM IST

പടന്നക്കാട്: കാസർകോട് സ്‌പോർട്‌സ് കരാട്ടെ അസോസിയേഷന്റെ നേതൃത്വത്തിൽ ജില്ലാ കരാട്ടെ ചാമ്പ്യൻഷിപ്പ് പടന്നക്കാട് നെഹ്‌റു ആർട്‌സ് ആൻഡ് സയൻസ് കോളേജിൽ ജില്ലാ സ്‌പോർട്‌സ് കൗൺസിൽ പ്രസിഡന്റ് പി. രഘുനാഥ് ഉദ്ഘാടനം ചെയ്തു. കെ.എസ്.കെ.എ പ്രസിഡന്റ് കെ.എസ്.പ്രസന്നകുമാർ അദ്ധ്യക്ഷത വഹിച്ചു.ജില്ലാ ഒളിമ്പിക് അസോസിയേഷൻ ജനറൽ സെക്രട്ടറി അച്യുതൻ, നെഹ്‌റു ആർട്‌സ് ആൻഡ് സയൻസ് കോളേജ് പ്രിൻസിപ്പാൾ ഡോ.ടി.ദിനേശ്, മാനേജർ ഡോ.കെ.രാമനാഥൻ എന്നിവർ വിശിഷ്ടാതിഥികളായി. സംഘാടകസമിതി ജിൻസ് മാത്യു, മാത്യു ജോസ് കെ.എസ്.കെ.എ ജനറൽ സെക്രട്ടറി കെ.സി. സെബാസ്റ്റ്യൻ സ്വാഗതവും എം.ആനന്ദ് നന്ദിയും പറഞ്ഞു. ജില്ലാ സ്‌പോർട്‌സ് കൗൺസിലിന്റെയും ഒളിമ്പിക് അസോസിയേഷന്റെയും അംഗീകാരത്തോടെയാണ് ചാമ്പ്യൻഷിപ്പ് നടക്കുന്നത്. അസോസിയേഷൻ അംഗത്വമുള്ള 12 ക്ലബ്ബുകളിൽ നിന്ന് 550 ഓളം താരങ്ങൾ മത്സരത്തിൽ പങ്കെടുക്കുന്നുണ്ട്. ചാമ്പ്യൻഷിപ്പ് ഇന്ന് സമാപിക്കും.