അനുസ്മരണവും സ്മൃതി പുരസ്ക്കാര സമർപ്പണവും
ചേർത്തല: പിറവി സാഹിത്യവേദിയുടെ ആഭിമുഖ്യത്തിൽ ബാലസാഹിത്യകാരനായിരുന്ന ഉല്ലല ബാബുവിന്റെ ഒന്നാം ചരമവാർഷികത്തോടനുബന്ധിച്ച് അനുസ്മരണവും സ്മൃതി പുരസ്ക്കാര സമർപ്പണവും കൃഷി മന്ത്രി പി. പ്രസാദ് നിർവഹിച്ചു. പ്രശസ്ത ബാലസാഹിത്യകാരൻ ഡോ.കെ. ശ്രീകുമാറിന്റെ 'പെണ്ണായാലെന്താ' എന്ന കൃതിക്കാണ് 10,001 രൂപയും ഫലകവും പ്രശസ്തി പത്രവും സമ്മാനിച്ചത്. വിദ്യാർത്ഥികൾക്കായി നടത്തിയ കഥാരചന മത്സര വിജയികൾക്കുള്ള അവാർഡ് നഗരസഭ അദ്ധ്യക്ഷ ഷേർളി ഭാർഗവൻ വിതരണം ചെയ്തു. എൻ.എസ്.എസ്. യൂണിയൻ ഹാളിൽ നടന്ന ചടങ്ങിൽ വിശ്വംഭരൻ അദ്ധ്യക്ഷത വഹിച്ചു. മുൻ വിവരാവകാശ കമ്മീഷണർ കുര്യാസ് കുമ്പളക്കുഴി മുഖ്യ പ്രഭാഷണം നടത്തി. ബാലസാഹിത്യകാരൻ വി.എം.രാജ് മോഹൻ അനുസ്മരണ പ്രഭാഷണം നടത്തി. മുനിസിപ്പൽ വൈസ് ചെയർമാൻ ടി.എസ്. അജയകുമാർ, മുനിസിപ്പൽ പ്രതിപക്ഷ നേതാവ് പി. ഉണ്ണികൃഷ്ണൻ, കൗസിലർ എ.അജി, ചേർത്തല രാജൻ, പൂച്ചാക്കൽ ഷാഹുൽ, ടി.വി. ഹരികുമാർ, മംഗളൻ തൈക്കൽ, കാവ്യ ദാസ് ചേർത്തല, കെ.പി സുരേഷ് കുമാർ, അഞ്ജന കൃഷ്ണ, എം.കെ. പ്രസന്നൻ, ലീല രാമചന്ദ്രൻ, ബേബി തോമസ് വിജയൻ എരമല്ലൂർ എന്നിവർ സംസാരിച്ചു.