എ.കെ.സി.സി പ്രതിഷേധിച്ചു

ഏഴാച്ചേരി : നൈജീരിയയിൽ നടക്കുന്ന ക്രൈസ്തവ വേട്ടയ്‌ക്കെതിരെ എ.കെ.സി.സി ഏഴാച്ചേരി യൂണിറ്റ് പ്രതിഷേധം രേഖപ്പെടുത്തി. പല സ്ഥലങ്ങളിലും ദൈവവിശ്വാസത്തിന്റെ പേരിൽ വംശഹത്യയാണ് നടക്കുന്നതെന്ന് യോഗം അഭിപ്രായപ്പെട്ടു. ലോകത്തിന്റെ വിവിധ ഭാഗങ്ങളിൽ നടക്കുന്ന ക്രൈസ്തവർക്കെതിരായ ആക്രമണങ്ങൾ നിറുത്താൻ അന്താരാഷ്ട്ര സമൂഹം ഇടപെടണം എന്നും യോഗം ആവശ്യപ്പെട്ടു. യൂണിറ്റ് പ്രസിഡന്റ് ബിനോയ് പള്ളത്ത് അദ്ധ്യക്ഷത വഹിച്ചു.വികാരി ഫാ. ലൂക്കോസ് കൊട്ടുകാപ്പള്ളി, സെക്രട്ടറി സജി പള്ളിയാരടിയിൽ, അജോ തുണുങ്കൽ, ജോമിഷ് നടയ്ക്കൽ, ജോയി ചെട്ടിയാകുന്നേൽ, റോയി പള്ളത്ത്, ബെന്നി ആലുങ്കൽ എന്നിവർ പ്രസംഗിച്ചു.