വിവാഹം കഴിഞ്ഞ് ഒന്നരവർഷത്തിന് ശേഷം സീഷെൽസിൽ ഹണിമൂൺ ആഘോഷിച്ച് മീരാനന്ദനും ശ്രീജുവും

നടി മീരാനന്ദനും ലണ്ടനിലെ അക്കൗണ്ടന്റായ ശ്രീജുവും മധുവിധു ആഘോഷങ്ങൾക്കായി സീഷെൽസ് ദ്വീപിൽ. കഴിഞ്ഞ വർഷം ജൂൺ 29ന് വിവാഹിതരായ മീരയും ശ്രീജുവും ഒന്നര വർഷത്തിന് ശേഷമാണ് ഹണിമൂൺ ആഘോഷക്കുന്നത്. സീഷെൽസിൽ നിന്നുള്ള വിവിധ ചിത്രങ്ങൾ മീര ഇൻസ്റ്റഗ്രാമിൽ പങ്കുവച്ചു.

'ഹണിമൂൺ വൈകിയോ,​ അതെ. അതിൽ നഷ്ടബോധമുണ്ടോ?​ ഒട്ടുമില്ല. സ്വർഗം പോലെയുള്ള സീഷെൽസേ ന നിന്നെ ഒരുപാട് ഇഷ്ടപ്പെടുന്നു' എന്ന് ചിത്രങ്ങൾക്കൊപ്പം മീര കുറിച്ചു. സീഷെൽസ് ,​ നീ എന്നെ എല്ലാ ദീവസവും കൂടുതൽ പ്രണയാതരയാക്കുന്നു എന്നാണ് മീര മറ്റൊരു ചിത്രത്തിന് നൽകിയ കുറിപ്പ്.

ബീജ് നിറത്തിലുള്ള പാന്റ്സും സ്ലീവ്‌ലെസ് ക്രോപ്പ് ടോപ്പും ധരിച്ചും ബ്ലാക്ക് നെറ്റ് സ്ലീവ് ലെസ് ടോപ്പും ധരിച്ചുമാണ് മീരയെ ചിത്രങ്ങളിൽ കാണാൻ കഴിയുന്നത്. ബിക്കിനി ധരിച്ച് അതിന് മുകളിലായാണ് നെറ്റ് പോലെയുള്ള ഔട്ട് ഫിറ്റുകൾ. ചിത്രങ്ങളുടെ താഴെ വസ്ത്രങ്ങളെ അനുകൂലിച്ചും പ്രതികൂലിച്ചും കമന്റുകളുണ്ട്.