യുവാവിന് കുത്തേറ്റു: കേസെടുത്തു

ചെറുതുരുത്തി: പൈങ്കുളം അയ്യപ്പൻ എഴുത്തച്ഛൻപടിയിൽ അമ്മയ്ക്കും മകനുമെതിരെ നടന്ന ആക്രമണത്തിൽ മകന് കുത്തേറ്റു. പൈങ്കുളം കുറുക്കുളത്തിൽ വീട്ടിൽ വേണുഗോപാലന്റെ മകൻ വിഷ്ണുദാസിനാണ് (34) കത്തികൊണ്ട് കുത്തേറ്റത്. സംഭവത്തിൽ പൈങ്കുളം സ്വദേശികളായ കൃഷ്ണകുമാർ, ജയപ്രകാശ് എന്നിവർക്കെതിരെ ചെറുതുരുത്തി പൊലീസ് കേസെടുത്തു. വെള്ളിയാഴ്ച രാത്രി 11നായിരുന്നു സംഭവം. വിഷ്ണുദാസിനെയും രുഗ്മണിയെയും കൃഷ്ണകുമാറും ജയപ്രകാശും കൊല്ലുമെന്നും അക്രമിക്കുമെന്നും ഭീഷിണിപ്പെടുത്തുകയും തുടർന്ന് വീട്ടിൽ നിന്നും ഇറങ്ങിവന്ന വിഷ്ണുദാസിനെ കത്തികൊണ്ട് ആക്രമിക്കുകയുമായിരുന്നു. അമ്മ രുഗ്മണിയെയും പ്രതികൾ മർദ്ദിച്ചു. പരിക്കേറ്റ വിഷ്ണുദാസിനെ ആശുപത്രിയിൽ പ്രവേശിപ്പിച്ചു.