സ്വർണക്കപ്പ് തൃശൂരിന്

തൃശൂർ: തിരൂരിൽ നടന്ന സംസ്ഥാന സ്‌പെഷ്യൽ സ്‌കൂൾ കലോത്സവത്തിൽ 696 പോയിന്റുമായി തൃശൂർ ഓവറാൾ ചാമ്പ്യൻമാരായി. 678 പോയിന്റുമായി കോഴിക്കോട് രണ്ടും 673 പോയിന്റുമായി മലപ്പുറം മൂന്നും സ്ഥാനം നേടി. 512 പോയിന്റുമായി എറണാകുളം നാലാംസ്ഥാനത്തും 440 പോയിന്റുമായി കോട്ടയം അഞ്ചാമതുമെത്തി. കേൾവി പരിമിതി വിഭാഗത്തിൽ 436 പോയിന്റുമായി തൃശൂർ ഒന്നാംസ്ഥാനം നേടിയപ്പോൾ 367 പോയിന്റുമായി മലപ്പുറം രണ്ടാമതെത്തി. കാഴ്ചപരിമിത വിഭാഗത്തിൽ 242 പോയിന്റുമായി കോഴിക്കോട് ഒന്നാംസ്ഥാനവും 220 പോയിന്റുമായി മലപ്പുറം രണ്ടാംസ്ഥാനവും നേടി. മാനസിക വെല്ലുവിളി നേരിടുന്നവരുടെ വിഭാഗത്തിൽ 88 പോയിന്റുമായി തിരുവനന്തപുരവും കണ്ണൂരും ഒപ്പത്തിനൊപ്പമെത്തിയപ്പോൾ പ്ലസ് പോയിന്റ് കണക്കാക്കി തിരുവനന്തപുരം ഒന്നാംസ്ഥാനം നേടി.