പ്രചാരണത്തിന് മുണ്ടുകൾ

പാവറട്ടി: തിരഞ്ഞെടുപ്പ് പ്രചാരണം കളറാക്കാൻ മുന്നണികൾ പുതിയ മേഖലകൾ തേടുന്നതിനിടയിൽ പ്രധാന മുന്നണികളുടെ ചിഹ്നങ്ങൾ ഉൾപ്പെടുത്തി ഒരുക്കിയ മുണ്ടുകളുടെ ശേഖരവുമായി മുല്ലശ്ശേരി അക്കാഡിയ ഹൈപ്പർമാർട്ട്. തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിൽ എ.ഐ പ്രചാരണങ്ങളും, ഫ്‌ളക്‌സുകളും, ചുമർചിത്രങ്ങളും, സ്ഥാനാർത്ഥികളുടെ പോസ്റ്ററുകളും കവലകൾ കെെയടക്കുമ്പോൾ പുതിയ പ്രചാരണ മാർഗമായാണ് പാർട്ടികളുടെ ചിഹ്നങ്ങൾ രേഖപ്പെടുത്തിയ മുണ്ടുകൾ വിപണിയിൽ എത്തിയിരിക്കുന്നത്. വിരലിൽ എണ്ണാവുന്ന ദിവസങ്ങൾ മാത്രം ബാക്കിനിൽക്കെ മുന്നണികൾ പ്രചാരണങ്ങൾ കൊഴുപ്പിക്കാനുള്ള മാർഗങ്ങൾ തേടുന്നതിനിടെ മുണ്ടുകൾ വിൽപ്പനയ്ക്കെത്തിയത് തെരഞ്ഞെടുപ്പിന് കളറാകും.