സാമ്പത്തിക സഹകരണം 2030വരെ: 15 കരാറുകളിൽ ഇന്ത്യയും റഷ്യയും

ന്യൂഡൽഹി: റഷ്യൻ പ്രസിഡന്റ് വ്ളാഡിമിർ പുടിന്റെ സന്ദർശനത്തിന്റെ ഭാഗമായി ഇന്ത്യയും റഷ്യയും 15 കരാറുകളിൽ ഒപ്പിട്ടു.

ന്യൂഡൽഹിയിലെ ഹൈദരാബാദ് ഹൗസിൽ പുടിന്റെയും പ്രധാനമന്ത്രി നരേന്ദ്രമോദിയുടെയും സാന്നിധ്യത്തിലായിരുന്നു നടപടികൾ.

ഇന്ത്യയുടെ തന്ത്രപരമായ മേഖലകളുടെ വികസനത്തിനായുള്ള സാമ്പത്തിക സഹകരണം 2030 വരെ തുടരും

 റഷ്യൻ പൗരന്മാർക്ക് 30 ദിവസത്തെ സൗജന്യ ഇ-ടൂറിസ്റ്റ് വിസ

 റഷ്യൻ പൗരന്മാർക്ക് 30 ദിവസത്തെ സൗജന്യ ഗ്രൂപ്പ് ടൂറിസ്റ്റ് വിസ

 ആരോഗ്യ സംരക്ഷണം, മെഡിക്കൽ വിദ്യാഭ്യാസം, ശാസ്ത്രം എന്നീ മേഖലകളിൽ സഹകരണം

 ഇരു രാജ്യങ്ങൾക്കുമിടയിൽ ചരക്കു നീക്കം

 റഷ്യയിൽ നിന്ന് വളങ്ങൾ എത്തിക്കാൻ ധാരണാപത്രം

 ഇന്ത്യൻ തുറമുഖ, ഷിപ്പിംഗ്, ജലപാത മന്ത്രാലയവും റഷ്യൻ ഫെഡറേഷൻ മാരിടൈം ബോർഡും തമ്മിൽ സഹകരണം

 ധ്രുവ മേഖലകളിൽ വിന്യസിച്ച ഇന്ത്യൻ കപ്പലുകളിൽ ജോലി ചെയ്യുന്നവർക്ക് റഷ്യൻ പരിശീലനം

 പൂനെ ഡിഫൻസ് ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് ടെക്നോളജിയും റഷ്യയിലെ നാഷണൽ ടോംസ്ക് സ്റ്റേറ്റ് യൂണിവേഴ്സിറ്റിയും തമ്മിൽ ധാരണ

 ഉന്നതവിദ്യാഭ്യാസ മേഖലയിൽ മുംബയ് സർവകലാശാല, മോസ്‌കോ ലോമോനോസോവ് സ്റ്റേറ്റ് യൂണിവേഴ്സിറ്റി, റഷ്യൻ ഡയറക്ട് ഇൻവെസ്റ്റ്മെന്റ് ഫണ്ടിന്റെ ജോയിന്റ്-സ്റ്റോക്ക് കമ്പനി മാനേജ്മെന്റ് കമ്പനി എന്നിവ തമ്മിൽ ധാരണ

 ജോലിക്കെത്തുന്ന പൗരൻമാരുടെ ക്ഷേമം ഉറപ്പാക്കൽ

ക്രമരഹിതമായ കുടിയേറ്റം ചെറുക്കൽ

 തപാൽ ഉരുപ്പടികളുടെ നീക്കം സുഗമാക്കാൻ ഇന്ത്യൻ തപാൽ വകുപ്പും റഷ്യൻ പോസ്റ്റും തമ്മിലുള്ള സഹകരണം

 പ്രസാർ ഭാരതിയും റഷ്യൻ ഗാസ്പ്രോം-മീഡിയ ഹോൾഡിംഗ്,റഷ്യൻ നാഷണൽ മീഡിയ ഗ്രൂപ്പ്, റഷ്യയിലെ ബിഗ് ഏഷ്യ മീഡിയ ഗ്രൂപ്പ്, ടിവി-നോവോസ്റ്റി, ടിവി ബ്രിക്സ് എന്നിവ തമ്മിൽ പ്രക്ഷേപണ സഹകരണത്തിനു ധാരണ

മറ്റ് പ്രഖ്യാപനങ്ങൾ

 സിംഹം, പുലി, കടുവ, ചീറ്റ തുടങ്ങിയ മൃഗങ്ങളുടെ സംരക്ഷണത്തിനായുള്ള ബിഗ് ക്യാറ്റ് അലയൻസിൽ (ഐ.ബിസിഎ) ചേരാൻ റഷ്യ സമ്മതിച്ചു.

 ഇന്ത്യയിലെയും റഷ്യയിലെയും ആർട്ട് ഗാലറികൾക്കിടയിൽ പ്രദർശനത്തിനായുള്ള കരാർ