അപകടത്തി​ൽ പരി​ക്കേറ്റ യുവാവ് മരി​ച്ചു

ചവറ: ചവറ ഐ.ആർ.ഇ കമ്പനിയിൽ ഗോഡൗൺ പുനർ നിർമ്മാണത്തിനിടെ ഷീറ്റ് മാറ്റുമ്പോൾ അപകടമുണ്ടായി​ പരി​ക്കേറ്റ് ചി​കി​ത്സയി​ലായി​രുന്ന യുവാവ് മരി​ച്ചു. തേവലക്കര അരിനല്ലൂർ കൊച്ചുവീട്ടിൽ രാധാകൃഷ്ണപിള്ളയുടെയും അനിതയുടെയും മകൻ രാഹുൽ കൃഷ്ണനാണ് (23) മരിച്ചത്. പരിക്കേറ്റ ചവറ പനന്തോടിൽ കിഴക്കതിൽ വീട്ടിൽ ജിനേഷ് (24) ചികിത്സയിലാണ്. ശനിയാഴ്ച രാവി​ലെ 11ന് ആയി​രുന്നു സംഭവം. ഗുരുതരമായി പരിക്കേറ്റ രാഹുൽ കൃഷ്ണൻ കൊല്ലത്തെ സ്വകാര്യ ആശുപത്രിയിൽ ചികിത്സയിലിരിക്കെയാണ് മരി​ച്ചത്. കമ്പനിയിൽ കരാർ വ്യവസ്ഥയിൽ ഏഴ് മാസം മാമ്പാണ് ജോലി​യി​ൽ പ്രവേശി​ച്ചത്. സഹോദരി: ആതിര കൃഷ്ണൻ. രാഹുലിന്റെ കുടുംബത്തി​ന് അടിയന്തിര ധനസഹായം ലഭ്യമാക്കണമെന്ന് തൊഴിലാളി യൂണിയനുകൾ ആവശ്യപ്പെട്ടു.