ലതികാ സുഭാഷ് മൂന്നാമത്

കോട്ടയം : നഗരസഭയിലേയ്ക്ക് മത്സരിച്ച മഹിളാ കോൺഗ്രസ് മുൻ സംസ്ഥാന അദ്ധ്യക്ഷയും, എൻ.സി.പി സംസ്ഥാന വൈസ് പ്രസിഡന്റുമായ ലതികാ സുഭാഷിന് മൂന്നാംസ്ഥാനം. തിരുനക്കര വാർഡിൽ മത്സരിച്ച ലതികയ്ക്ക് 113 വോട്ടേ കിട്ടിയുള്ളൂ. യു.ഡി.എഫ് വിജയിച്ച ഇവിടെ ബി.ജെ.പിയാണ് രണ്ടാം സ്ഥാനത്ത്. കോട്ടയം ജില്ലാ പഞ്ചായത്ത് പ്രസിഡന്റ് ഹേമലതാ പ്രേംസാഗർ കങ്ങഴ ഡിവിഷനിൽ പരാജയപ്പെട്ടു. കേരള കോൺഗ്രസിലെ അജിത് മുതിരമലയാണ് ഇവിടെ ജയിച്ചത്. ബസിന്റെ പെർമിറ്റിനെ ചൊല്ലി ഗതാഗത വകുപ്പിനോട് ഏറ്റുമുട്ടിയ റോബിൻ ഗിരിഷ് മേലുകാവ് പഞ്ചായത്തിലെ എട്ടാം വാർഡിൽ യു.ഡി.എഫ് വിമതനായി മത്സരിച്ചെങ്കിലും പരാജയപ്പെട്ടു. പാലാ നഗരസഭയിൽ ജോസ് കെ.മാണിയുടെ വാർഡിൽ യു.ഡി.എഫും, മാണി സി. കാപ്പന്റെ വാർഡിൽ എൽ.ഡി.എഫും ജയിച്ചു.