അ​പ​ക​ട​ത്തിൽ പ​രി​ക്കേ​റ്റ മ​ത്സ്യ​ത്തൊ​ഴി​ലാ​ളി മരിച്ചു

ക​രു​നാ​ഗ​പ്പ​ള്ളി: ബൈ​ക്കും സ്​കൂ​ട്ട​റും കൂട്ടിയിടിച്ചുണ്ടായ അ​പ​ക​ട​ത്തിൽ ഗു​രു​ത​ര​മാ​യി പ​രി​ക്കേ​റ്റ് ചി​കി​ത്സ​യിൽ ക​ഴി​യു​ക​യാ​യി​രു​ന്ന മ​ത്സ്യ​ത്തൊ​ഴി​ മ​രിച്ചു. ആ​ല​പ്പാ​ട് ചെ​റി​യ​ഴീ​ക്കൽ, സി.​എ​ഫ്.​എ ഗ്രൗ​ണ്ടി​ന് സ​മീ​പം വി​നാ​യ​കർ ഭ​വ​ന​ത്തിൽ ലാൽ വി​നാ​യ​കനാണ് (52) മ​രിച്ച​ത്.

ഞാ​യ​റാ​ഴ്​ച രാ​ത്രി 7ന് ചെ​റി​യ​ഴീ​ക്കൽ ക്ഷേ​ത്ര​ത്തി​ന് സ​മീ​പം വ​ച്ച് ലാൽ വി​നാ​യ​ക​നും ഭാ​ര്യ​യും സ​ഞ്ച​രി​ച്ചി​രു​ന്ന ബൈ​ക്കിൽ എ​തിർ​ദി​ശ​യിൽ നി​ന്ന് വ​ന്ന ഇ​ല​ക്ട്രി​ക് സ്​കൂ​ട്ടർ ത​ട്ടി​യാ​ണ് അ​പ​ക​ട​മു​ണ്ടാ​യ​ത്. ഉ​ടൻ​ ക​രു​നാ​ഗ​പ്പ​ള്ളി​യി​ലെ സ്വ​കാ​ര്യ ആ​ശു​പ​ത്രി​യിൽ പ്ര​വേ​ശി​പ്പി​ച്ചു. ലാ​ലി​ന് ഒ​പ്പ​മു​ണ്ടാ​യി​രു​ന്ന ഭാ​ര്യ​ക്കും എ​തിർ​ശ​യിൽ വ​ന്ന സ്​കൂ​ട്ടർ യാ​ത്ര​ക്കാ​രും പ​രു​ക്കു​ക​ളോ​ടെ ര​ക്ഷ​പ്പെ​ട്ടു.

ത​ല​യ്​ക്ക് ഗു​രു​ത​ര​മാ​യി പ​രി​ക്കേ​റ്റ യു​വാ​വി​ന്റെ മ​സ്​തി​ഷ്​ക മ​ര​ണം സം​ഭ​വി​ച്ച​താ​യി മ​ന​സി​ലാ​ക്കി​യ​തി​നെ തു​ടർ​ന്ന് അ​വ​യ​വ​ങ്ങൾ ദാ​നം ചെ​യ്യാൻ ബ​ന്ധു​ക്കൾ ക​ഴി​ഞ്ഞ ദി​വ​സം തീ​രു​മാ​നി​ച്ചെ​ങ്കി​ലും ഇ​ത് സം​ബ​ന്ധി​ച്ച കൂ​ടു​തൽ പ​രി​ശോ​ധ​ന​യിൽ മ​സ്​തി​ഷ്​ക മ​ര​ണം സം​ഭ​വി​ച്ച​താ​യി ക​ണ്ടെ​ത്താൻ ക​ഴി​യാ​ത്ത സാ​ഹ​ച​ര്യ​ത്തിൽ നീ​ക്കം ഉ​പേ​ക്ഷിച്ചു.

തു​ടർ​ന്ന് തീ​വ്ര​പ​രി​ച​ര​ണ വി​ഭാ​ഗ​ത്തിൽ ചി​കി​ത്സ​യിൽ ക​ഴി​യ​വേ ചൊ​വ്വാ​ഴ്​ച രാ​ത്രി 9 ഓടെ മ​ര​ണം സം​ഭ​വി​ക്കു​ക​യാ​യി​രു​ന്നു. മൃ​ത​ദേ​ഹം ക​രു​നാ​ഗ​പ്പ​ള്ളി താ​ലൂ​ക്ക് ആ​ശു​പ​ത്രി മോർ​ച്ച​റി​യി​ലേ​ക്ക് മാ​റ്റി. ഇന്ന് പോ​സ്റ്റ്മോർ​ട്ട​ത്തി​ന് ശേ​ഷം സം​സ്​കാ​രം ന​ട​ത്തും. ഭാ​ര്യ: അ​ശ്വ​തി. മ​ക്കൾ: അ​ഭി​ഷേ​ക്, അ​ഹ​ല്യ.