കാത്തി​രി​പ്പു കേന്ദ്രമി​ല്ലാതെ ചെക്കാലവി​ളാകം ജംഗ്ഷൻ

കടയ്ക്കാവൂർ: കടയ്ക്കാവൂരി​ലെ ചെക്കാലവി​ളാകം ജംഗ്ഷനി​ൽ ബസ് കാത്തി​രി​പ്പു കേന്ദ്രമി​ല്ലാത്തത് യാത്രക്കാരെ വലയ്ക്കുന്നു. നിരവധി​ വിദ്യാഭ്യാസ സ്ഥാപനങ്ങൾ,ബാങ്കുകൾ,വൈദ്യുതി ഓഫീസുകൾ എന്നിവ ഇവിടെ പ്രവർത്തിക്കുന്നുന്നുണ്ട്. കടയ്ക്കാവൂർ വഴി മണനാക്ക്,ആറ്റിങ്ങൽ,ചിറയിൻകീഴ് ഭാഗത്തേക്കും കായിക്കര,വർക്കല ഭാഗത്തേക്കും പോകുന്ന മുപ്പത്തിയഞ്ചിൽപ്പരം സർവീസ് ബസുകൾ ഈ ജംഗ്ഷൻ വഴിയാണ് കടന്നുപോകുന്നത്. ഇത്രയും തിരക്കുള്ള ഇവി‌ടെ കാത്തിരിപ്പു കേന്ദ്രം വേണമെന്ന ആവശ്യം ശക്തമാണ്. വെയി​ലും മഴയും സഹി​ച്ചാണ് നൂറുകണക്കിന് യാത്രക്കാർ ഇവിടെ ബസ് കാത്തുനി​ൽക്കുന്നത്.

എം.പി​ക്കും എം.എൽ.എയ്ക്കും മറ്റ് അധികൃതർക്കും നിരവധി നി​വേദനങ്ങൾ നൽകി​യെങ്കിലും യാതൊരു നടപടി​യുമുണ്ടായി​ട്ടി​ല്ലെന്നാണ് നാട്ടുകാർ പറയുന്നത്.എന്നാൽ കാത്തി​രി​പ്പു കേന്ദ്രം നിർമ്മിക്കാനുള്ള സ്ഥലസൗകര്യമില്ലെന്നാണ് അധികൃതർ പറയുന്നത്. ആവശ്യത്തിന് സ്ഥലമുണ്ടെന്നും അടി​യന്ത​രമായി​ ജംഗ്ഷനിൽ ബസ് കാത്തി​രിപ്പുപ്പ് കേന്ദ്രം നി​ർമ്മിക്കണമെന്നാണ് നാട്ടുകാരുടെയും വിദ്യാർത്ഥികളുടെയും ആവശ്യം.

വിദ്യാർത്ഥികളും രോഗികളുമെല്ലാം വെയിലും മഴയും ഏൽക്കാതിരിക്കാൻ കടത്തിണ്ണകളെ ആശ്രയിക്കുകയാണ്.ഇതിനൊരു പരിഹാരം കാണണം.

കടയ്ക്കാവൂർ ജനകീയ പൗരസമിതി