തൃശൂർ  ഫ്ളാറ്റ്  കൊലക്കേസ്  പ്രതി  കൊടകര  റഷീദ് ബലാത്സംഗ പരാതിയിൽ കസ്റ്റഡിയിൽ

കോഴിക്കോട്: തൃശൂർ ഫ്ളാറ്റ് കൊലക്കേസ് പ്രതിയായ കൊടകര റഷീദ് വീണ്ടും കസ്റ്റഡിയിൽ. യുവതിയെ ബലാത്സംഗം ചെയ്തെന്ന പരാതിയിലാണ് ഇയാളെ വീണ്ടും കസ്റ്റഡിയിലെടുത്തത്. കോഴിക്കോടുവച്ചാണ് ഇയാളെ പിടികൂടിയത്.

ഡിസംബർ 13നാണ് കേസിനാസ്‌പദമായ സംഭവം നടന്നത്. അതിരപ്പിള്ളിയിലെ റിസോർട്ടിലാണ് ഇയാൾ യുവതിയെ പീഡിപ്പിച്ചത്. യുവതിയുടെ മാതാപിതാക്കളുടെ സുഹൃത്താണ് റഷീദ്. സംഭവത്തിൽ കൂട്ടുപ്രതികളായ മറ്റു മൂന്നുപേരും പിടിയിലായി.