അൽപ്പം കാപ്പിപ്പൊടിയുണ്ടോ? മിനിട്ടുകൾക്കുള്ളിൽ നര മാറ്റാം; മാസത്തിൽ ഒരു ദിവസം ഈ ഡൈ പുരട്ടിയാൽ മതി

താരൻ,​ മുടി കൊഴിച്ചിൽ,​ നര എന്നിവ മിക്കവരെയും അലട്ടുന്ന പ്രശ്നമാണ്. പ്രായമാകുന്നതിനനുസരിച്ച് മുടി നരയ്ക്കാറുണ്ടെങ്കിലും കൗമാര പ്രായത്തിൽ തന്നെ നര വരുന്നത് പലരിലും മാനസികമായും സമ്മർദ്ദമുണ്ടാക്കുന്നു. നരമാറാൻ കൂടുതൽ പേരും ആശ്രയിക്കുന്നത് കെമിക്കൽ ഡൈകളെയാണ്. പക്ഷേ,​ ഇത് മുടിയുടെ ആരോഗ്യത്തെയും ശാരീരിക ആരോഗ്യത്തെയും ബാധിച്ചേക്കാം. എന്നാൽ മുടി വളർച്ച കൂടാനും നര മാറുന്നതിനും ചില പ്രകൃതിദത്ത വഴികളുണ്ട്. ഈ ആയുർവേദ ഡൈ തയ്യാറാക്കുന്നത് എങ്ങനെയെന്നും ആവശ്യമുള്ള സാധനങ്ങൾ എന്തൊക്കെയെന്നും നോക്കാം.

ആവശ്യമായ സാധനങ്ങൾ

ചായപ്പൊടി - 3 ടീസ്‌പൂൺ

ഗ്രാമ്പു - 5 എണ്ണം

ഇൻസ്റ്റന്റ് കാപ്പിപ്പൊടി - 3 ടീസ്‌പൂൺ

വെള്ളം - 1 ഗ്രാസ്

ഹെന്നപ്പൊടി - 2 ടീസ്‌‌പൂൺ

നീലയമരിപ്പൊടി - 1 ടീസ്‌പൂൺ

തയ്യാറാക്കുന്ന വിധം

ഇരുമ്പ് ചീനച്ചട്ടിയിലേക്ക് ചായപ്പൊടിയും ഗ്രാമ്പുവും ചേർത്ത് നന്നായി ചൂടാക്കുക. ഇത് കറുത്ത നിറമാകുമ്പോൾ തണുപ്പിച്ച് മിക്‌സിയുടെ ജാറിലിട്ട് പൊടിച്ച് അരിച്ചെടുക്കുക. ശേഷം ഇതിനെ വീണ്ടും ചീനച്ചട്ടിയിലിട്ട് അതിലേക്ക് കാപ്പിപ്പൊടിയും വെള്ളവും ചേർത്ത് നന്നായി യോജിപ്പിച്ച് ചൂടാക്കി കുറുക്കിയെടുക്കണം. സ്റ്റൗ ഓഫ് ചെയ്‌ത ശേഷം ഇതിലേക്ക് ഹെന്നപ്പൊടിയും നീലയമരിപ്പൊടിയും ചേർത്ത് യോജിപ്പിക്കണം. ചൂട് മാറുമ്പോൾ ഉപയോഗിക്കാവുന്നതാണ്.

ഉപയോഗിക്കേണ്ട വിധം

നന്നായി കഴുകി വൃത്തിയാക്കിയ മുടിയിലേക്ക് ഈ ഡൈ പുരട്ടിക്കൊടുക്കുക. ഒന്നോ രണ്ടോ മണിക്കൂർ വച്ചശേഷം കഴുകിയ കളയാവുന്നതാണ്. ഷാംപൂ ഉപയോഗിക്കാൻ പാടില്ല. ഒരു മാസം വരെ ഈ നിറം നിങ്ങളുടെ മുടിയിലുണ്ടാകും.