അക്ഷരശ്ലോക സമിതി യോഗം

മാവേലിക്കര: കേരള പാണിനി അക്ഷരശ്ലോക സമിതിയുടെ പ്രതിമാസ യോഗം എ.ആർ.രാജരാജ വർമ സ്മാരകത്തിൽ പുഷ്പാർച്ചനയോടെ നടന്നു. അക്ഷരശ്ലോകം, സാഹിത്യ രചന അവതരണം എന്നിവ നടന്നു. കവി നടുവട്ടം വിജയൻ നായർ അവലോകനം നടത്തി. ജോർജ് തഴക്കര, ഉഷാ അനാമിക തുടങ്ങിയവർ നേതൃത്വം നൽകി. സാഹിത്യ സമ്മേളനത്തിൽ ജഗദീഷ് കൊച്ചിക്കൽ അദ്ധ്യക്ഷനായി. പ്രശസ്ത എഴുത്തുകാർ രചനകൾ അവതരിപ്പിച്ചു. സെക്രട്ടറി ഉണ്ണികൃഷ്ണ കുറുപ്പ് സ്വാഗതവും ട്രഷറർ ജനാർദ്ദനക്കുറുപ്പ് നന്ദിയും പറഞ്ഞു. വിജയൻ നായർ നടുവട്ടം, ഉഷാ അനാമിക, രാധാമണി കട്ടച്ചിറ, മുരളീധരൻ നായർ, ലതാ പ്രസാദ്, ഹാരി പ്രസാദ്, മാവേലിക്കര ജയദേവൻ, ഉദയ ഭാനു മുട്ടം, ഹേമ വിശ്വനാഥ്‌, വിജയകുമാരിയമ്മ, ജഗദീഷ് കൊച്ചിക്കൽ, പന്തളം പ്രഭ എന്നിവർ രചനകൾ അവതരിപ്പിച്ചു.