റോബോട്ടിക്‌സ് പരിശീലനം

കോട്ടയം : ജില്ലയിലെ പത്താം ക്ലാസ് വിദ്യാർത്ഥികൾക്കുമായി കേരള ഇൻഫ്രാസ്ട്രക്ചർ ആൻഡ് ടെക്‌നോളജി ഫോർ എഡ്യൂക്കേഷൻ (കൈറ്റ് ) 15 നകം റോബോട്ടിക്‌സ് പരിശീലനം നൽകും. പുതുക്കിയ ഐ.ടി പാഠപുസ്തകത്തിൽ ഉൾപ്പെടുത്തിയിട്ടുള്ള റോബോട്ടിക്‌സ് പാഠഭാഗങ്ങൾ പ്രായോഗികമായി പഠിക്കാനും പരീക്ഷയ്ക്ക് തയ്യാറെടുക്കാനും കുട്ടികൾക്ക് അധിക പിന്തുണ എന്ന നിലയിലാണ് ലിറ്റിൽ കൈറ്റ്‌സ് ഐ.ടി ക്ലബുകളുടെ നേതൃത്വത്തിലുള്ള പരിശീലനം. രണ്ട് സെഷനുകളിലായാണ് പരിശീലനം ക്രമീകരിച്ചിരിക്കുന്നത്. ഓരോ സ്‌കൂളിലും ലിറ്റിൽ കൈറ്റ്‌സ് അംഗങ്ങളുടെയും മെന്റർമാരുടെയും നേതൃത്വത്തിലാണ് പരിശീലനം. നാലോ അഞ്ചോ കുട്ടികൾ അടങ്ങുന്ന ഗ്രൂപ്പുകൾക്ക് ഒരു റോബോട്ടിക് കിറ്റ് എന്നതാണ് അനുപാതം.