ജമ്മുകാശ്മീരും ലഡാക്കും കേവലം തുണ്ടുഭൂമിയല്ല, രാജ്യത്തിന്റെ കിരീടമാണെന്ന് നരേന്ദ്രമോദി

മുംബയ് : ജമ്മു കാശ്​മീരും ലഡാക്കും രാജ്യത്തിന്റെ കിരീടമാണെന്നും കേവലമൊരു തുണ്ടുഭൂമിയല്ലെന്നും പ്രധാനമന്ത്രി നരേന്ദ്രമോദി. നിയമസഭാ തിരഞ്ഞെടുപ്പിന് മുന്നോടിയായി മഹാരാഷ്​ട്രയിലെ ജാൽഗണിൽ നടന്ന പൊതുസമ്മേളനത്തിൽ സംസാരിക്കുകയായിരുന്നു അദ്ദേഹം.

ജമ്മു കാശ്​മീരിൽ ആർട്ടിക്കിൾ 370 റദ്ദാക്കുന്നതിന് മുൻപ് ​70 വർഷമായി ജമ്മു കാശ്​മീർ, ലഡാക്ക്​ എന്നിവിടങ്ങളിലെ വാത്മീകി സമുദായക്കാർ അടിസ്ഥാന മനുഷ്യാവകാശങ്ങൾ പോലും ഇല്ലാത്തവരായിരു​ന്നു. നമ്മുടെ സഹോദരങ്ങളെ ചേർത്തുപിടിക്കാൻ ഭാഗ്യം ലഭിച്ചതിന് വാത്മീകിക്കു മുൻപിൽ തലകുമ്പിടുന്നുവെന്ന് മോദി പറഞ്ഞു.. സുരക്ഷാ സംബന്ധമായ ആവശ്യങ്ങൾ പരിഗണിച്ച്‌​ ചില നടപടികളെടുത്തുവെന്നും കാശ്​മീരിലേയും ചുറ്റുപാടുകളിലേയും എല്ലാ പ്രതിലോമ ശക്തികൾക്കുമിടയിലും പ്രദേശത്തെ സാധാരണ നിലയിലേക്കെത്തിക്കാൻ സര്‍ക്കാര്‍ പരമാവധി ശ്രമിക്കുന്നുണ്ടെന്നും പ്രധാനമന്ത്രി പറഞ്ഞു.