റോഡ് അറ്റകുറ്റപ്പണി നടത്തണം

ആലപ്പുഴ: തത്തംപള്ളി വാർഡിലെ പൊട്ടിപ്പൊളിഞ്ഞ് കിടക്കുന്ന ഇടറോഡുകളിൽ എത്രയും വേഗം അറ്റകുറ്റപ്പണിനടത്തണമെന്ന് കേരള കോൺഗ്രസ് (എം) തത്തംപള്ളി വാർഡ് കമ്മിറ്റി ആവശ്യപ്പെട്ടു. ചില റോഡുകൾക്ക് എം.എൽ.എ ഫണ്ട് അനുവദിച്ചിട്ടുണ്ട്. എന്നാൽ,​ കോൺട്രാക്ടർമാർ പണം കിട്ടിയെങ്കിലേ റോഡുപണി തുടങ്ങൂ എന്ന നിലപാടിലാണെന്ന് കമ്മിറ്റി കുറ്റപ്പെടുത്തി.മണ്ഡലം പ്രസിഡന്റ് സിബി ചാക്കോ അദ്ധ്യക്ഷത വഹിച്ചു.തത്തംപള്ളി വാർഡ് പ്രസിഡന്റായി ജോൺ വർഗീസിനെ തിരഞ്ഞെടുത്തു. ടി.കുര്യൻ, മാത്യു കുറച്ചേരി, ജോർജ്ജ് മുളയ്ക്കൽ, റീസാ ജോൺ തുടങ്ങിയവർ സംസാരിച്ചു.