കുണ്ടും കുഴിയുമായി മാറി വേഴപ്ര പാക്കള്ളിപാലം- ഉമാച്ചേരി റോഡ്

കുട്ടനാട് : രാമങ്കരി പഞ്ചായത്തിൽ വേഴപ്ര പാക്കള്ളിപാലം- ഉമാച്ചേരി റോഡ് കുണ്ടും കുഴിയുമായി മാറിയതോടെ ഇതുവഴിയുള്ള യാത്ര ദുരിതപൂർണമായി. വേഴപ്ര ഹോമിയോ ആശുപത്രി, സിദ്ധ ആശുപത്രി, അങ്കണവാടി, എൽ.പി സ്ക്കൂൾ എന്നിങ്ങനെ നിരവധി സ്ഥാപനങ്ങളിലേക്കുള്ള പ്രധാന യാത്രാമാർഗമാണ് ഈ റോഡ്. ടാറിംഗ് തകർന്നു മെറ്റൽ ഇളകിമാറി വലിയ കുഴികൾ രൂപപ്പെട്ടതോടെ ഇരുചക്രവാഹനങ്ങളിലും ഓട്ടോറിക്ഷകളിലുമുള്ള യാത്ര വെല്ലുവിളിയാണ്. കുഴികളിലകപ്പെട്ട് വാഹനങ്ങൾ അപകടത്തിൽപ്പെടുന്നതും യാത്രക്കാർക്ക് പരിക്കേൽക്കുന്നതും നിത്യസംഭവമായി മാറി.

വെളിച്ചമില്ലാത്തതും വെല്ലുവിളി

 രാത്രിയിൽ റോഡിൽ വെളിച്ചമില്ലാത്തതും അപകടങ്ങളുടെ എണ്ണം വർദ്ധിക്കുന്നതിന് കാരണമായി

 റോഡിനായി കഴിഞ്ഞ പഞ്ചായത്ത് ഭരണസമിതിയുടെ കാലത്ത് നാട്ടുകാർ പലതവണ നിവേദനങ്ങൾ നല്കിയിരുന്നു

 വേനൽമഴയ്ക്ക് തുടക്കം കുറിച്ചതോടെ റോഡിലെ യാത്രാദുരിതം ഇനിയും വർദ്ധിക്കുമെന്ന് നാട്ടുകാർ

അടിയന്തിരമായി റോഡ് നന്നാക്കുവാനും ടാർ ചെയ്യുവാനും ആവശ്യമായ നടപടി സ്വീകരിക്കാൻ പഞ്ചായത്ത് അധികൃതർ തയ്യാറാകണം

-പ്രദേശവാസികൾ