ഓസ്കാർ നോമിനേഷൻ: തിളങ്ങി 'സിന്നേഴ്സ്"
ലോസ് ആഞ്ചലസ്: 98-ാമത് ഓസ്കാർ പുരസ്കാര നോമിനേഷനുകൾ പ്രഖ്യാപിച്ചു. ഹോറർ ചിത്രമായ 'സിന്നേഴ്സ്" ആണ് ഏറ്റവും കൂടുതൽ നോമിനേഷൻ നേടിയ ചിത്രം; 16 നോമിനേഷനുകൾ. ഓസ്കാറിന്റെ ചരിത്രത്തിൽ ആദ്യമായാണ് ഒരു ചിത്രം ഇത്രയും നോമിനേഷൻ നേടുന്നത്. മാർച്ച് 15ന് വിജയികളെ പ്രഖ്യാപിക്കും. വിദേശ ഭാഷ വിഭാഗത്തിൽ ഇന്ത്യയുടെ ഔദ്യോഗിക എൻട്രിയായ 'ഹോംബൗണ്ടി"ന് ഇടംനേടാനായില്ല.
# പ്രധാന നോമിനേഷനുകൾ
ചിത്രം
ബ്യൂഗോണിയ, എഫ് 1, ഫ്രാങ്കെൻസ്റ്റൈൻ, ഹാംനെറ്റ്, മാർട്ടി സുപ്രീം, വൺ ബാറ്റിൽ ആഫ്റ്റർ അനദർ, ദ സീക്രട്ട് ഏജന്റ്, സെന്റിമെന്റൽ വാല്യു, സിന്നേഴ്സ്, ട്രെയിൻ ഡ്രീംസ്
സംവിധാനം
ക്ലോയി ഷാവോ (ഹാംനെറ്റ്), ജോഷ് സാഫ്ഡൈ (മാർട്ടി സുപ്രീം), പോൾ തോമസ് ആൻഡേഴ്സൺ (വൺ ബാറ്റിൽ ആഫ്റ്റർ അനദർ), യോവാകീം ട്രയർ (സെന്റിമെന്റൽ വാല്യു), റയാൻ കൂഗ്ലർ (സിന്നേഴ്സ്)
നടൻ
തിമോത്തി ഷാലമേ (മാർട്ടി സുപ്രീം), ലിയനാർഡോ ഡികാപ്രിയോ (വൺ ബാറ്റിൽ ആഫ്റ്റർ അനദർ), ഈഥൻ ഹോക്ക് (ബ്ലൂ മൂൺ), മൈക്കൽ ബി. ജോർദാൻ (സിന്നേഴ്സ്), വാഗ്നർ മോറ (ദ സീക്രട്ട് ഏജന്റ്)
നടി
ജെസി ബക്ക്ലി (ഹാംനെറ്റ്), റോസ് ബയേൺ ( ഇഫ് ഐ ഹാഡ് ലെഗ്സ്, ഐഡ് കിക്ക് യു), കേറ്റ് ഹഡ്സൺ ( സോങ്ങ് സങ്ങ് ബ്ലൂ), റെനറ്റെ റെയ്ൻസ്വെ (സെന്റിമെന്റൽ വാല്യു), എമ്മ സ്റ്റോൺ (ബ്യൂഗോണിയ)