വൈരമുത്തുവിനുനേരെ ചെരിപ്പെറിഞ്ഞ് യുവതി; സാഹിത്യ പരിപാടിക്കിടെ സംഘർഷം

ചെന്നൈ: സാഹിത്യപരിപാടിക്കിടെ ക​വി​യും​ ​ഗാ​ന​ര​ച​യി​താ​വു​മാ​യ​ ​വൈ​ര​മു​ത്തുവിനുനേരെ ചെരിപ്പേറ്. തിരുപ്പൂരിൽ ഇന്നലെ നടന്ന പരിപാടിക്കിടെയാണ് സംഭവം. ജില്ലാ കളക്‌ടറുടെ ഓഫീസിൽ നടന്ന കൊംഗു കാലായ് സാഹിത്യ കൾച്ചറൽ ഫോറത്തിന്റെ ഉദ്ഘാടനച്ചടങ്ങിൽ മുഖ്യാതിഥിയായി എത്തിയതായിരുന്നു വൈരമുത്തു.

പരിപാടി നടക്കുന്നതിനിടെ വൈരുമുത്തുവിന് നേരെ ചെരിപ്പ് എറിയുകയായിരുന്നു. എന്നാൽ ഇത് കാണികൾക്കിടെയാണ് വീണത്. തുടർന്ന് സുരക്ഷാ ഉദ്യോഗസ്ഥർ അന്വേഷണം നടത്തുകയും ചെരിപ്പെറിഞ്ഞത് ഒരു യുവതിയാണെന്ന് കണ്ടെത്തുകയും ചെയ്തു. ഇവർക്ക് മാനസികാസ്വാസ്ഥ്യമുള്ളതായാണ് പൊലീസ് പറയുന്നത്. ചെരിപ്പേറിന്റെ കാരണം വ്യക്തമല്ലെന്നും സംഭവത്തിൽ വിശദമായ അന്വേഷണം ആരംഭിച്ചതായും പൊലീസ് അറിയിച്ചു.

നേരത്തെ വൈരമുത്തുവിനെതിരെ ഗായിക ചിന്മയി 'മി ടൂ' ആരോപണം ഉന്നയിച്ചത് ഏറെ വിവാദമായിരുന്നു. സ്വി​റ്റ്സ​ർ​ല​ൻ​ഡി​ൽ​ ​സം​ഗീ​ത​ ​പ​രി​പാ​ടി​ക്കി​ടെ​ ​വൈ​ര​മു​ത്തു​ ​മോ​ശ​മാ​യി​ ​പെ​രു​മാ​റി​യെ​ന്നാ​യി​രു​ന്നു​ ​വെ​ളി​പ്പെ​ടു​ത്ത​ൽ.​ ​വൈ​ര​മു​ത്തു​വി​ന് ​എ​തി​രെ​ 17​ ​പേ​രാ​ണ് ​അ​ന്ന് ​രം​ഗ​ത്തു​ ​വ​ന്ന​ത്.​ ​എ​ന്നാ​ൽ​ ​ആ​രോ​പ​ണ​ങ്ങ​ൾ​ ​എ​ല്ലാം​ ​ക​ള്ളം​ ​എ​ന്നാ​യി​രു​ന്നു​ ​വൈ​ര​മു​ത്തു​വി​ന്റെ​ ​മ​റു​പ​ടി.​ മഹാ​നാ​യ​ ​എ​ഴു​ത്തു​കാ​ര​നെ​ ​വ്യ​ക്തി​ഹ​ത്യ​ ​ചെ​യ്യാ​നു​ള്ള​ ​ശ്ര​മം​ ​എ​ന്നാ​രോ​പി​ച്ച് ​വൈ​ര​മു​ത്തു​ ​ആ​രാ​ധ​ക​ർ​ ​അ​ഴി​ച്ചു​വി​ട്ട​ ​ആ​ക്ര​മ​ണ​ങ്ങ​ളും​ ​​ ​ചി​ന്മ​യി​ ​നേ​രി​ട്ടിരുന്നു.