അഫ്ഗാനിൽ താലിബാന്റെ കാട്ടുനീതി ജനങ്ങളെ നാലായി വിഭജിച്ചു

കാബൂൾ: അഫ്‌ഗാനിസ്ഥാനിൽ പുതിയ ക്രിമിനൽ നടപടിക്രമ നിയമം പുറത്തിറക്കി താലിബാൻ ഭരണകൂടം. പരമോന്നത നേതാവായ ഹിബത്തുള്ള അഖുന്ദ്‌സാദ ഒപ്പുവച്ച നിയമം പൗരന്മാരെ നാല് വ്യത്യസ്‌ത വിഭാഗങ്ങളായി തിരിക്കുകയും അടിമത്തത്തെ നിയമവിധേയമാക്കുകയും ചെയ്യുന്നതാണ്.ജനുവരി 4-ന് പുറപ്പെടുവിച്ച പുതിയ കോഡിൽ മൂന്ന് വിഭാഗങ്ങളിലും 10 അധ്യായങ്ങളിലുമായി 119 ലേഖനങ്ങൾ ഉൾപ്പെടുത്തിട്ടുണ്ട്.ഡാ​ൻ​സ് ചെ​യ്യു​ന്ന​തും സംഗീതം കേൾക്കുന്നതുമെല്ലാം കൊടിയ കുറ്റമായി പ്രഖ്യാപിച്ചിട്ടുണ്ട്. കൂടാതെ അടിമത്തത്തെ താലിബാൻ നിയമവിധേയമാക്കി.സ്‌ത്രീകൾക്കും കുട്ടികൾക്കും നേരെയുള്ള അതിക്രമങ്ങൾ വർദ്ധിപ്പിക്കുന്ന രീതിയിലുള്ളതാണ് പുതിയ നിയമങ്ങൾ. എല്ലുകൾ ഒടിയാതെ ശരീരത്തിൽ തൊലി പൊട്ടാതെ മറ്റേത് രീതിയിലും ശാരീരികമായി ഉപദ്രവിക്കാൻ അനുമതി നിയമത്തിൽ പറയുന്നുണ്ട്.

സാ​മൂ​ഹി​ക വി​ഭ​ജ​നം പു​തി​യ നി​യ​മപ്ര​കാ​രം അ​ഫ്ഗാ​ൻ സ​മൂ​ഹ​ത്തെ നാ​ലാ​യി ത​രം​തി​രി​ച്ചി​രി​ക്കു​ന്നു:

മ​ത​പ​ണ്ഡി​ത​ർ (ഉ​ല​മ/​മു​ല്ല​മാ​ർ)- "ഉ​പ​ദേ​ശം' ന​ൽ​കി വി​ട്ട​യ​ക്കും. ഇ​വ​ർ​ക്കു നി​യ​മ​ത്തി​നു മു​ന്നി​ൽ പൂ​ർണ പ​രി​ര​ക്ഷ​. എത്ര വലിയ കുറ്റമാണെങ്കിലും ഇവർ ശിക്ഷാ നടപടികൾക്ക് അതീതരാണ്.

ഉ​ന്ന​ത കു​ല​ജാ​ത​ർ (അ​ഷ്‌​റ​ഫ്)- കോ​ട​തി​യി​ൽ ഹാ​ജ​രാ​കാ​ൻ സ​മ്മ​ൻ​സ് ന​ൽ​കു​ക​യും തു​ട​ർ​ന്ന് ഉ​പ​ദേ​ശി​ക്കു​ക​യും ചെ​യ്യും.

മ​ധ്യ​വ​ർ​ഗം- കു​റ്റ​ങ്ങ​ൾ​ക്കു ത​ട​വു​ശി​ക്ഷ ല​ഭി​ക്കും.

താ​ഴ്ന്ന വി​ഭാ​ഗം- ത​ട​വു​ശി​ക്ഷ​യ്ക്കു പു​റ​മെ അ​തി​ക്രൂ​ര​മാ​യ ശാ​രീ​രി​ക ശി​ക്ഷ​ക​ളും (ചാ​ട്ട​വാ​റ​ടി ഉ​ൾ​പ്പെ​ടെ).

കോടതി പേരിനു മാത്രം പു​തി​യ നി​യ​മ​പ്ര​കാ​രം പ്ര​തി​ക​ൾ​ക്ക് അ​ഭി​ഭാ​ഷ​ക​നെ വ​യ്ക്കാ​ൻ അ​വ​കാ​ശ​മി​ല്ല. കു​റ്റ​സ​മ്മ​ത​മൊ​ഴി​ക​ളും സാ​ക്ഷി​മൊ​ഴി​ക​ളും മാ​ത്ര​മാ​ണു ശി​ക്ഷാ​വി​ധി​ക്ക് ആ​ധാ​രം. സ്വ​ത​ന്ത്ര​മാ​യ അ​ന്വേ​ഷ​ണ​മോ തെ​ളി​വെ​ടു​പ്പോ പു​തി​യ നി​യ​മ​ത്തി​ൽ നി​ർ​ബ​ന്ധ​മ​ല്ല. നി​യ​മം ഉ​ട​ൻ പി​ൻ​വ​ലി​ക്ക​ണ​മെ​ന്നും അ​ന്താ​രാഷ്‌ട്ര സ​മൂ​ഹം ഇ​ട​പെ​ട​ണ​മെ​ന്നു​മാ​ണ് മ​നു​ഷ്യാ​വ​കാ​ശ പ്ര​വ​ർ​ത്ത​ക​രു​ടെ ആ​വ​ശ്യം.ഈ നിയമം മദ്ധ്യകാലഘട്ടത്തേക്കാൾ ഭീകരമാണെന്നും മനുഷ്യന്റെ അന്തസിനെ വെല്ലുവിളിക്കുന്നതാണെന്നും അഫ്‌ഗാനിലെ മുൻ ഭരണാധികാരികളും അന്താരാഷ്‌ട്ര നിരീക്ഷകരും പ്രതികരിച്ചു.