കേര പദ്ധതി: ജില്ലാതല ശില്പശാല

ആലപ്പുഴ: കാലാവസ്ഥ വ്യതിയാനത്തെ അതിജീവിക്കുന്ന ശാസ്ത്രീയ കൃഷിരീതികൾ, ഡിജിറ്റൽ കൃഷിരീതികൾ, മാനേജ്മെന്റ് രീതികൾ എന്നിവയിലുള്ള സമഗ്രപരിശീലനത്തിനു മുന്നോടിയായി വിവിധ വിഭാഗങ്ങളിലുള്ളവരുടെ പരിശീലന ആവശ്യങ്ങൾ നിർണയിക്കുന്നതിനുള്ള ജില്ലാതല ശില്പശാല സംഘടിപ്പിച്ചു. കേര കോട്ടയം റീജിയണൽ പ്രൊജക്ട് ഡയറക്ടർ സാഹിൽ മുഹമ്മദ് മുഖ്യപ്രഭാഷണം നടത്തി. ആത്മ പ്രൊജക്ട് ഡയറക്ടർ സി.ആർ. രശ്മി അദ്ധ്യക്ഷത വഹിച്ചു. സിന്ധു എൻ. പണിക്കർ, മായാ ഗോപാലകൃഷ്ണൻ, സിന്ധു കെ. മാത്യു, കെ.ജി. ഗിരീഷ്‌കുമാർ, തുടങ്ങിയവർ സംസാരിച്ചു. ലോകബാങ്കിന്റെ സഹകരണത്തോടെ കൃഷി വകുപ്പ് നടപ്പാക്കുന്ന കേരള ക്ലൈമറ്റ് റസിലിയന്റ് അഗ്രി വാല്യൂ ചെയിൻ മോഡേണൈസേഷൻ (കേര) പദ്ധതിയുടെ ഭാഗമായാണ് പരിശീലനങ്ങൾ നടത്തുന്നത്.