റാഫ അതിർത്തി ഭാഗികമായി തുറന്നു

ടെൽ അവീവ് : ഗാസയ്ക്കും ഈജിപ്റ്റിനും ഇടയിലെ റാഫ അതിർത്തി ഇസ്രയേൽ ഭാഗികമായി തുറന്നു. ഇന്ന് പൂർണമായും തുറക്കുമെന്നാണ് അധികൃതർ പറയുന്നത്. ആദ്യ ഘട്ടത്തിൽ കാൽനടയാത്രക്കാരെ മാത്രമാണ് കടത്തിവിടുക. ചികിത്സയ്ക്കായി റാഫ അതിർത്തി വഴി ഈജിപ്റ്റിലേക്ക് പോകാൻ ഏകദേശം 20,000 പാലസ്തീനികൾ രജിസ്റ്റർ ചെയ്ത് കാത്തിരിക്കുകയാണ്. ഇസ്രയേലിന്റെ കർശന പരിശോധനയ്ക്ക് ശേഷമേ അതിർത്തിയിലൂടെ ഗാസയ്ക്കുള്ളിലേക്കും പുറത്തേക്കും ജനങ്ങളെ കടത്തിവിടൂ.