കൊല്ലത്ത് അനുജൻ ജ്യേഷ്ഠനെ തലയ്ക്കടിച്ചുകൊന്നു; ഇരുവരും മാനസികവെല്ലുവിളി നേരിടുന്നവർ

കൊല്ലം: ഇരവിപുരത്ത് അനുജൻ ജ്യേഷ്ഠനെ തലയ്ക്കടിച്ചുകൊന്നു. 46കാരനായ അനിലാണ് മരിച്ചത്. സംഭവത്തിൽ 43കാരനായ കെനിൽ പൊലീസ് പിടിയിലായിട്ടുണ്ട്. രണ്ടുപേരും കഴിഞ്ഞ കുറേ വർഷങ്ങളായി മാനസികരോഗത്തിനുള്ള ചികിത്സയിലായിരുന്നു. ഇന്ന് വൈകുന്നേരം നാലുമണിയോടെയായിരുന്നു കൊലപാതകം. സംഭവസമയം വീട്ടിൽ ഇരുവരുടെയും അമ്മ മാത്രമേ ഉണ്ടായിരുന്നുള്ളൂ. കെനിൽ അനിലിനെ തടികഷ്ണമുപയോഗിച്ച് തലയ്ക്കടിക്കുകയായിരുന്നു. സംഭവമറിഞ്ഞ നാട്ടുകാർ അനിലിനെ ജില്ലാ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.