ആറ്റുകാൽ ഉത്സവം; റോഡുപണി 20ന് മുമ്പ് പൂർത്തിയാക്കുമെന്ന് മേയർ വി.വി.രാജേഷ്

നേമം: ആറ്റുകാൽ ക്ഷേത്രോത്സവത്തോടനുബന്ധിച്ച് ഉത്സവമേഖലയായി പ്രഖ്യാപിച്ചിട്ടുള്ള ഭാഗത്തെ നഗരസഭ റോഡുകളുടെ അറ്റകുറ്റപ്പണികൾ 20ന് മുമ്പ് പൂർത്തിയാക്കുമെന്ന് മേയർ വി.വി.രാജേഷ് പറഞ്ഞു.

ഡെപ്യൂട്ടി മേയർ ആശാനാഥ്‌,വിവിധ സ്റ്റാൻഡിംഗ് കമ്മിറ്റി അദ്ധ്യക്ഷരായ ജി.എസ്.മഞ്ജു,പാറ്റൂർ രാധാകൃഷ്ണൻ,എം.ആർ.ഗോപൻ,നഗരസഭ ഉദ്യോഗസ്ഥർ തുടങ്ങിയവരോടൊപ്പം റോഡുപണി നേരിട്ട് വിലയിരുത്തിയ ശേഷം സംസാരിക്കുകയായിരുന്നു മേയർ. 29 റോഡുകളുടെ പണികളാണ് നടക്കുന്നത്. അതിൽ 15 റോഡുകളുടെ ജോലികൾ ഇന്നുതന്നെ തീരുമെന്നും അദ്ദേഹം പറഞ്ഞു.