മകൻ കസേരയോടെ വലിച്ചെറിഞ്ഞു;​ ഗുരുതരമായി പരിക്കേറ്റ വൃദ്ധ മരിച്ചു

കണ്ണൂർ: മകന്റെ ആക്രമണത്തിൽ ഗുരുതരമായി പരിക്കേറ്റ് ചികിത്സയിലായിരുന്ന വൃദ്ധ മരിച്ചു. കണ്ണൂർ പള്ളിയാന്മൂലയിൽ വി ശാന്തയാണ് (88)​ മരിച്ചത്. സംഭവത്തിൽ മകൻ സജീവനെ പൊലീസ് അറസ്റ്റ് ചെയ്തു. 11-ാം തീയതിയാണ് ആക്രമണം ഉണ്ടായത്. രാത്രി 11 മണിയോടെ ഇരുവരും തമ്മിൽ തർക്കം ഉണ്ടായി.

പിന്നാലെ മദ്യപിച്ചെത്തിയ സജീവൻ കസേരയിൽ ഇരുന്ന ശാന്തയെ കസേരയോടെ പുറത്തേക്ക് വലിച്ചെറിഞ്ഞു. ഗുരുതരമായി പരിക്കേറ്റ വൃദ്ധയെ നാട്ടുകാരാണ് ആശുപത്രിയിൽ എത്തിച്ചത്. കണ്ണൂരിലെ സ്വകാര്യ ആശുപത്രിയിൽ ചികിത്സയിലിരിക്കെ ഇന്ന് രാവിലെയാണ് ശാന്ത മരിച്ചത്.