ഓട്ടൻതുള്ളൽ കലാകാരൻ താമരക്കുടി കരുണാകരൻ മാസ്റ്റർ നിര്യാതനായി

കൊല്ലം: ഓട്ടൻതുള്ളൽ കലാകാരൻ കൊട്ടാരക്കര താമരക്കുടി നിർമ്മല ഭവനിൽ താമരക്കുടി കരുണാകരൻ മാസ്റ്റർ (കരുണാകരൻ ആചാരി- 85) നിര്യാതനായി. താമരക്കുടി ശിവവിലാസം വൊക്കേഷണൽ ഹയർ സെക്കൻഡറി സ്കൂൾ റിട്ട.അദ്ധ്യാപകനാണ്. സംസ്ഥാന സർക്കാരിന്റെ കുഞ്ചൻ നമ്പ്യാർ പ്രതിഭാ പുരസ്കാരം (2016), കേരള കലാമണ്ഡലം അവാർഡ് (2012) എന്നിവയടക്കം നിരവധി പുരസ്കാരങ്ങൾ ലഭിച്ചിട്ടുണ്ട്. ആൾ ഇന്ത്യ റേഡിയോ, ദൂരദർശൻ നിലയങ്ങളിലും അയ്യായിരത്തിലധികം വേദികളിലും ഓട്ടൻതുള്ളൽ അവതരിപ്പിച്ചിട്ടുണ്ട്. ഭാര്യ: എസ്. സരോജിനിക്കുട്ടി. മക്കൾ: എൻ.കെ.ഹരികുമാർ (അദ്ധ്യാപകൻ, ഇടമൺ എച്ച്.എസ്), എൻ. ജയശ്രീ (ഓഡിറ്റർ, കോ-ഓപ്പറേറ്റീവ് ഡിപ്പാർട്ട്മെന്റ്, ഗുരുവായൂർ). മരുമക്കൾ: ബി.ശ്രീജ, ടി.എൻ. സുനിൽ (ബി.ആർ.സി, പുനലൂർ).