മണലിത്തറയുടെ കൂത്ത് നാളെ

പുന്നംപറമ്പ് : മാമാങ്ക വേദിയായ മച്ചാട് തിരുവാണിക്കാവിൽ നാളെ മണലിത്തറ വിഭാഗം ഇന്ദ്രജിത്ത് വധം കൂത്ത് നടത്തും. രാത്രിയിൽ തുളസികുത്തന്നൂർ നേതൃത്വം നൽകും. മണലിത്തറ അയ്യപ്പൻ കാവിൽ രാവിലെ കൂത്ത് പായസം തയ്യാറാക്കും. കൂത്തുക്കാരെ ദേശത്തേക്ക് ആനയിക്കും. കണ്ടമാന് പൂജയും ഉണ്ടാകും. രാത്രി 7 ന് അവകാശികൾക്കും കൂത്തുകാർക്കും സദ്യ,കൂത്ത് കവി ചൊല്ലൽ എന്നിവയ്ക്ക് ശേഷം കൂത്ത് പുറപ്പെടും. കുതിരകൾ പോയ പരമ്പരാഗത വഴിയിലൂടെയാണ് ക്ഷേത്ര യാത്ര. 8 ന് വലിയ മുത്തിയുടെ നടയിൽ വിളക്ക് വയ്ക്കും. തുടർന്ന് മാടം കൊട്ടി കയറി കൂത്ത് നടത്തും. ഇതോടെ ദേശത്തിന്റെ മാമാങ്ക ആഘോഷം സമാപിക്കും. ഇന്ന് പാർളിക്കാടിന്റെ അധികായ വധം നടക്കും.