സൗജന്യ ഡെന്റൽ ചികിത്സാ ക്യാമ്പ്

വൈക്കം : വെച്ചൂർ തണൽ സ്വയംസഹായ സംഘത്തിന്റെ നേതൃത്വത്തിൽ കോട്ടയം ഗവ.ഡെന്റൽ കോളേജ് പൊതുജനാരോഗ്യ വിഭാഗത്തിന്റെ സൗജന്യ ക്യാമ്പ് നടത്തി. ഇടയാഴം കമ്മ്യൂണി​റ്റി ഹെൽത്ത് സെന്ററിൽ നടത്തിയ ക്യാമ്പ് വെച്ചൂർ പഞ്ചായത്ത് പ്രസിഡന്റ് ബിന്ദു അജി ഉദ്ഘാടനം ചെയ്തു. തണൽ പ്രസിഡന്റ് ടി.ജി.പ്രകാശൻ അദ്ധ്യക്ഷത വഹിച്ചു. സെക്രട്ടറി എൻ.ജയകുമാർ, പഞ്ചായത്ത് വൈസ് പ്രസിഡന്റ് എൻ.അഭിലാഷ്, മെഡിക്കൽ ഓഫീസർ ഡോ: കെ.ബി.ഷാഹുൽ, അസി.പ്രൊഫസർ ഡോ.ബിന്ദു ബി.ഭാസ്‌കർ, പി.കെ.വിപിനൻ, കെ.എസ്.സുരേഷ് കുമാർ, എൻ.അഭിഷേക് എന്നിവർ പ്രസംഗിച്ചു.