ഫെലോഷിപ്പ് തുക  വർദ്ധിപ്പിച്ചു

കോട്ടയം : ഗവേഷണ മേഖലയെ കൂടുതൽ ശക്തിപ്പെടുത്തുന്നതിനും യുവ ഗവേഷകരെ പ്രോത്സാഹിപ്പിക്കുന്നതിനുമായി ഗവേഷണ വിദ്യാർത്ഥികളുടെ ഫെലോഷിപ്പ് തുക 15000 രൂപയായി വർദ്ധിപ്പിക്കാൻ എം.ജി സർവകലാശാല സിൻഡിക്കേറ്റ് തീരുമാനിച്ചു. ഗവേഷണ രംഗത്ത് പ്രവർത്തിക്കുന്ന, പി.എച്ച്.ഡി വിദ്യാർത്ഥികൾക്ക് സാമ്പത്തിക ആശ്വാസം നൽകുന്നതിനും അവരുടെ പഠനവും ഗവേഷണ പ്രവർത്തനങ്ങളും കൂടുതൽ കാര്യക്ഷമമായി മുന്നോട്ടുകൊണ്ടുപോകുന്നതിനും ഇത് സഹായിക്കും. ഗവേഷണവുമായി ബന്ധപ്പെട്ട ചെലവുകൾ കൈകാര്യം ചെയ്യുന്നതിനും അടിസ്ഥാന ആവശ്യങ്ങൾ നിറവേറ്റുന്നതിനും ഫെലോഷിപ്പ് വർദ്ധന ഉപകരിക്കുമെന്ന് വൈസ് ചാൻസലർ പ്രൊഫ.ഡോ.സി.ടി. അരവിന്ദകുമാർ അറിയിച്ചു.