മന്നം സമാധി ആചരിച്ചു

ചേർത്തല: താലൂക്ക് എൻ.എസ്.എസ്.യൂണിയന്റെ ആഭിമുഖ്യത്തിൽ സമു ദായാചാര്യൻ മന്നത്ത് പത്മനാഭന്റെ 50ാം മഹാസമാധി ആചരിച്ചു. താലൂക്ക് എൻ.എസ്.എസ്. യൂണിയൻ അങ്കണത്തിൽ പുഷ്പാർച്ചന, പുരാണപാരായണം, നാമജപപ്രാർത്ഥന എന്നിവനടന്നു. വിവിധ കരയോഗങ്ങളിൽ നിന്ന് നിരവധി പ്രവർത്തകർ പങ്കെടുത്തു. എൻ.എസ്.എസ് യൂണിയൻ പ്രസിഡന്റ് പ്രൊഫ.ഇലഞ്ഞിയിൽ രാധാകൃഷ്ണൻ പ്രതിജ്ഞ ചൊല്ലി. യൂണിയൻ സെക്രട്ടറി എസ്. ജയകൃഷ്ണൻ സ്വാഗതവും യൂണിയൻ വൈസ് പ്രസിഡന്റ് എസ്.മുരളികൃഷ്ണൻ നന്ദിയും പറഞ്ഞു. യൂണിയൻ കമ്മിറ്റി അംഗങ്ങൾ, വനിതായൂണിയൻ ഭാരവാഹികൾ, എൻ.എസ്.എസ്.ഇൻസ്‌പെക്ടർ യു.ജയകൃഷ്ണൻ, കോഓർഡിനേറ്റേഴ്സ്,കരയോഗം അംഗങ്ങൾ, വനിതാസമാജം പ്രവർത്തകർ തുടങ്ങിയവർ പങ്കെടുത്തു.