ജില്ലാതല അദാലത്ത്

ആലപ്പുഴ: ന്യൂനപക്ഷ വിഭാഗങ്ങൾക്കിടയിലെ പ്രശ്നങ്ങളും പരാതികളും പരിഹരിക്കാൻ വിപുലമായ സംവിധാനങ്ങൾ നിലവിലുണ്ടെന്ന് സംസ്ഥാന ന്യൂനപക്ഷ കമ്മിഷൻ അംഗം പി.റോസ പറഞ്ഞു. കളക്ടറേറ്റ് കോൺഫറൻസ് ഹാളിൽ ജില്ലാതല അദാലത്തിൽ അദ്ധ്യക്ഷത വഹിച്ച് സംസാരിക്കുകയായിരുന്നു അംഗം.ന്യൂനപക്ഷ വിഭാഗങ്ങൾക്കിടയിലുള്ള പരാതികൾ നേരിട്ടോ,​ ഓൺലൈനായോ കളക്ടറേറ്റ് മുഖാന്തരമോ സ്വീകരിക്കുമെന്നും അംഗം പറഞ്ഞു. അദാലത്തിൽ പരിഗണിച്ച നാല് പരാതികളിൽ ഒരു പരാതി തീർപ്പാക്കി. മൂന്നെണ്ണം അടുത്ത സിറ്റിങ്ങിലേക്ക്‌ മാറ്റി. പുതിയ പരാതികളൊന്നും ലഭിച്ചില്ല.പ്രധാനമായും ഭൂമിയുമായി ബന്ധപ്പെട്ടതും ചികിത്സാ സംബന്ധിയുമായ പരാതികളാണ് അദാലത്തിലെത്തിയത്.