ഇറാനിൽ വീണത് 230 ബോംബുകൾ

 ഇറാനിൽ വെള്ളിയാഴ്ച രാത്രിയും ഇന്നലെ പുലർച്ചെയുമായി ആക്രമണം നടത്തിയത് 80 ഇസ്രയേലി യുദ്ധവിമാനങ്ങൾ. സൈനിക കേന്ദ്രങ്ങളിലിട്ടത് 230 ബോംബുകൾ. ടെഹ്റാനിലെ മെഹ്റാബാദ് വിമാനത്താവളത്തിൽ തീപിടിത്തം. റെവല്യൂഷണറി ഗാർഡിന്റെ വിദേശ വിഭാഗമായ ഖുദ്സ് ഫോഴ്സിന്റെ 16 വിമാനങ്ങൾ തകർത്തെന്ന് ഇസ്രയേൽ

 സൗദി അറേബ്യൻ കിരീടാവകാശി മുഹമ്മദ് ബിൻ സൽമാനും കുവൈറ്റ് പ്രതിരോധ മന്ത്രി അബ്ദുള്ള അലി അബ്ദുള്ള അൽ സലീം അൽ സബാഹുമായി ഫോൺ സംഭാഷണം നടത്തി. സൈനിക, പ്രതിരോധ സഹകരണം ചർച്ചയായി

 കുവൈറ്റിൽ അലി അൽ സലീം എയർ ബേസിനെ ആക്രമിച്ചെന്നും യു.എസ് സൈന്യത്തിന്റെ ഇന്ധന സംഭരണ കേന്ദ്രങ്ങളും രണ്ട് റൺവേകളും തകർത്തെന്നും ഇറാൻ

 വ്യോമപാത ഭാഗികമായി തുറന്നതോടെ ഖത്തർ എയർവേയ്സ് ഏതാനും ഫ്ലൈറ്റുകൾ പുനരാരംഭിക്കുമെന്ന് അറിയിച്ചു

 ലെബനനിൽ കൊല്ലപ്പെട്ടവരുടെ എണ്ണം 290 കടന്നു. പലായനം ചെയ്തവർ 95,000 കടന്നു

 ഇസ്രയേലിന് നേരെയുള്ള ഇറാന്റെ ബാലിസ്റ്റിക് മിസൈലാക്രമണങ്ങൾ തകർത്തു. ഗോലാൻ ഹൈറ്റ്സിലെയും സഫദിലെയും ഇസ്രയേലി സൈനിക ബേസുകൾക്ക് നേരെ ഹിസ്ബുള്ള ഡ്രോണാക്രമണം നടത്തി  ഇസ്രയേലിന് 15.18 കോടി ഡോളറിന്റെ ആയുധം നൽകാൻ യു.എസ് സ്റ്റേറ്റ് ഡിപ്പാർട്ട്‌മെന്റിന്റെ അംഗീകാരം

 ഇറാക്കിലെ കുർദ്ദിസ്ഥാനിലെ ഹോട്ടലിന് നേരെ ഇറാന്റെ ഡ്രോൺ ആക്രമണം  ജോർദ്ദാനിലെ മുവാഫഖ് സാൽതി എയർ ബേസിൽ യു.എസിന്റെ താഡ് വ്യോമപ്രതിരോധ സംവിധാനത്തിന്റെ ഭാഗമായ റഡാർ സിസ്റ്റം യുദ്ധത്തിന്റെ ആദ്യ ദിവസങ്ങളിൽ ഇറാൻ തകർത്തെന്ന് റിപ്പോർട്ട്. 30 കോടി ഡോളർ വിലമതിക്കുന്ന സംവിധാനമാണ് തകർന്നത്  അറബ് ലീഗ് രാജ്യങ്ങളിലെ വിദേശകാര്യ മന്ത്രിമാരുടെ അടിയന്തര വെർച്വൽ യോഗം ഇന്ന്

---------------------------------------

ഇറാനിൽ ഇതുവരെ തകർന്നത്

യു.എസ്-ഇസ്രയേൽ ആക്രമണത്തിൽ ഇറാനിൽ ഇതുവരെ തകർന്നത് - 6,668 സിവിലിയൻ കേന്ദ്രങ്ങൾ

ഇതിൽ:

 5,535 ജനവാസ കെട്ടിടങ്ങൾ

 1,041 വാണിജ്യ കെട്ടിടങ്ങൾ

 14 ആരോഗ്യ കേന്ദ്രങ്ങൾ

 65 സ്കൂളുകൾ

 13 ഇറാനിയൻ റെഡ് ക്രെസന്റ് കേന്ദ്രങ്ങൾ

(സർക്കാരിതര മാനുഷിക സംഘടനയായ ഇറാനിയൻ റെഡ് ക്രെസന്റിന്റെ കണക്ക്)