ബന്ധുക്കളെ മർദ്ദിച്ച കേസിൽ മൂന്നംഗ സംഘം അറസ്റ്റിൽ

കോവളം: ബന്ധുക്കളായ യുവാക്കളെ മർദ്ദിച്ച കേസിൽ മൂന്നംഗ സംഘത്തെ കോവളം പൊലീസ് അറസ്റ്റുചെയ്തു. മുട്ടയ്ക്കാട് സ്വദേശി ശരത് (30),​വിഴിഞ്ഞം സ്വദേശികളായ വിഷ്ണു(32),​രാഹുൽ (32) എന്നിവരെയാണ് പിടികൂടിയത്.

ഇക്കഴിഞ്ഞ വെള്ളിയാഴ്ച രാത്രിയോടെയായിരുന്നു സംഭവം.

കോവളം തൊഴിച്ചൽ സ്വദേശികളായ ദീലീപ് കുമാർ,സഹോദരീ ഭർത്താവ് ദീപു എന്നിവരെ അർദ്ധരാത്രിയിൽ മുൻ വൈരാഗ്യം കാരണം ആഴാകുളം കരുങ്കാളി ക്ഷേത്രത്തിന് സമീപത്തുവച്ച് മർദ്ദിക്കുകയായിരുന്നു. പ്രതികളെ ഇന്ന് കോടതിയിൽ ഹാജരാക്കും.