കാപ്പ ചുമത്തി നാടുകടത്തി

പറവൂർ: നിരന്തര കുറ്റാവാളിയായ പറവൂർ ഘണ്ടാകർണ്ണൻവെളി ചെത്തിക്കാട് വാടകയ്ക്ക് താമസിക്കുന്ന ഏലൂർ എഫ്.എ.സി.ടി മാർക്കറ്റിന് സമീപം തായങ്കരി അലൻ മോറിസിനെ (27)കാപ്പ ചുമത്തി ആറ് മാസത്തേക്ക് നാടുകടത്തി. റൂറൽ ജില്ല പൊലീസ് മേധാവിയുടെ റിപ്പോർട്ടിന്റെ അടിസ്ഥാനത്തിൽ റേഞ്ച് ഡി.ഐ.ജി ഡോ. ആർ.ബി. അരുൾ കൃഷ്ണയാണ് ഉത്തരവിട്ടത്. വധശ്രമം, കഠിന ദേഹോപദ്രവം, തട്ടിക്കൊണ്ടുപോകൽ, ഭീഷണിപ്പെടുത്തൽ തുടങ്ങി നിരവധി കേസുകളിലെ പ്രതിയാണ്. കഴിഞ്ഞ ജൂലായിൽ പറവൂർ പൊലീസ് രജിസ്റ്റർ ചെയ്ത വധശ്രമ കേസിലെ പ്രതിയായതിനെ തുടർന്നാണ് നടപടി.