ഗുരുദേവ പഠന ശിബിരം നാളെ

ആലപ്പുഴ: മുഹമ്മ ചീരപ്പൻചിറ സ്വാമി അയ്യപ്പൻ പഠന കളരിയുടെ ആഭിമുഖ്യത്തിൽ നടത്തിവരാറുള്ള പ്രതിമാസ ഗുരുദേവ പഠന ശിബിരം നാളെ കളരി സന്നിധിയിൽ നടക്കും. വൈകിട്ട് 3ന് ഭദ്രദീപപ്രകാശനത്തിന്ശേഷം കളരി പരിരക്ഷകൻ മാധവ ബാലസുബ്രഹ്മണ്യത്തിന്റെ അദ്ധ്യക്ഷതയിൽ ചേരുന്ന സത്സംഗത്തിൽ ഗുരുദേവ കൃതിയെ ആസ്പദമാക്കി ചേർത്തല കുടുംബാരോഗ്യ കേന്ദ്രത്തിലെ ഹെൽത്ത് ഇൻസ്പെക്ടർ വി.പി ജോഷി ക്ളാസ് നയിക്കും. വൈകിട്ട് 5ന് ഗുരുധർമ്മ പ്രചാരകൻ ബേബി പാപ്പാളിൽ നയിക്കുന്ന ഗുരുദേവ ക്വിസ് മത്സരം നടക്കും. 5.45ന് സമൂഹ പ്രാർത്ഥനയോടെ ചടങ്ങുകൾ സമാപിക്കും.