പോളിംഗ് ജോലിക്ക്  8608 ജീവനക്കാർ

കോട്ടയം : ജില്ലയിൽ നിയമസഭാ തിരഞ്ഞെടുപ്പിൽ പോളിംഗ് ജോലികൾക്ക് 8608 ജീവനക്കാരെ നിയോഗിച്ച് കളക്ടർ ചേതൻ കുമാർ മീണ ഉത്തരവായി. രണ്ടാംഘട്ട റാൻഡമൈസേഷനിലൂടെയാണ് പോളിംഗ് ചുമതലയുള്ള ഉദ്യോഗസ്ഥരെ തിരഞ്ഞെടുത്തത്. പ്രിസൈഡിംഗ് ഓഫീസർമാർ 2152, ഫസ്റ്റ് പോളിംഗ് ഓഫീസർമാർ 2152, പോളിംഗ് ഓഫീസർ 4304 എന്നിങ്ങനെയാണ്. ആദ്യഘട്ട റാൻഡമൈസേഷനിൽ ആവശ്യമുള്ളതിനേക്കാൾ 45 ശതമാനം പേരെ കൂടുതലായി ഉൾപ്പെടുത്തിയാണ് പട്ടിക തയ്യാറാക്കിയത്. 10404 പേരാണ് പട്ടികയിലുണ്ടായിരുന്നത്. രണ്ടാം ഘട്ടത്തിൽ ഇതിൽ 25 ശതമാനം പേരെ ഒഴിവാക്കി.