ഹരിത വഞ്ചി പ്രയാണം

ആലപ്പുഴ: നിയമസഭ തിരഞ്ഞെടുപ്പിൽ ഹരിത പ്രോട്ടോക്കോൾ സന്ദേശം വോട്ടർമാരിലേക്ക് എത്തിക്കുന്നതിനായി ആലപ്പുഴയിൽ 'ഹരിത വഞ്ചി' പ്രയാണം ആരംഭിച്ചു. കുട്ടനാടൻ പഞ്ചായത്തുകളിലെയും ആലപ്പുഴ നഗരസഭയിലെയും ഉൾപ്രദേശങ്ങളിലെ വോട്ടർമാരിലേക്ക് പരിസ്ഥിതി സൗഹൃദ തിരഞ്ഞെടുപ്പ് എത്തിക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചിരിക്കുന്നത്. ഫ്ളാഗ് ഓഫ് ഡെപ്യൂട്ടി കളക്ടർ ആശ സി.എബ്രഹാം നിർവഹിച്ചു. ശുചിത്വ മിഷൻ ജില്ലാ കോഓർഡിനേറ്റർ ഡി. ഷിൻസ്, മുൻസിപ്പൽ സെക്രട്ടറി എസ്. സനിൽ, സി. ജയകുമാർ, വി. രേവതി എന്നിവർ സംസാരിച്ചു.